Matius 23:18 - Porjanjian Boharu Torjomahan Baso Dilakng Soari-ari

¹⁸ Kaitn pan mongajaran ubo ni'in jam, ‘Aman ado urakng inyo monguat'an janjinyo agatn bosumpah atas damo mesbah, lalu io co gola' momonuhi sumpahnyo. Apo aman ado urakng inyo monguat'an janjinyo agatn sumpah atas damo posombahan di pucu' mesbah nantai, jadi io gola' momonuhi sumpahnyo.’

Matius 23:18 ပူးပေါင်းရင်းမြစ်များ

Matius 23:16

Allah paca'an mohukupm kaitn boko pomimpitn inyo buto. Kaitn co moniant jalatn inyo bondar huatan monyosat'an urakng bukai. Kaitn mongajaran ubo ni'in: ‘Aman ado urakng inyo monguat'an janjinyo agatn bosumpah atas damo Rumah Allah, lalu io co gola' momonuhi sumpahnyo. Apo aman ado urakng inyo monguat'an janjinyo agatn sumpah atas kodampuan omas inyo ado di dalapm Rumah Allah, lalu io gola' momonuhi sumpahnyo.’

Matius 23:17

Kaitn boko urakng budu huatan buto! Kodampuan omas nantai monjadi husus pakai' Allah obai dipakai dalapm Rumah Allah. Jadi, pasti Rumah Allah nantai lobih pontikng doi' kodampuan omas nantai.

Matius 23:19

Kaitn boko urakng buto! Posombahan nantai monjadi husus pakai' Allah obai diposombahan di pucu' mesbah nantai. Jadi, pasti mesbah nantai lobih pontikng daripado posombahan nantai.

Markus 7:11

Apo kaitn mongajar: Aman urakng bopandir ko urakng tuhonyo: ‘Lapo inyo gola' ku onju' ko indai ongko bopai, udah ku posombahan ko Allah,’

Galatia 5:3

Sokali agi' aku mongatoan ko kaitn. Somuo urakng inyo moonju' dirinyo pakai' disunant, sia' gola' monaati somuo Hukupm Torat.