Matius 23:13 - Porjanjian Boharu Torjomahan Baso Dilakng Soari-ari

¹³ “Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' apo hati kaitn jahat. Kaitn mohalaki urakng pakai' mansu' monjadi anggota koluarga Koraja'an Sorugo. Kaitn siku' co honda' mansu'. Apo, kaitn mohalaki boko urakng inyo bousaha mansu'. [

Matius 23:13 ပူးပေါင်းရင်းမြစ်များ

Matius 23:16

Allah paca'an mohukupm kaitn boko pomimpitn inyo buto. Kaitn co moniant jalatn inyo bondar huatan monyosat'an urakng bukai. Kaitn mongajaran ubo ni'in: ‘Aman ado urakng inyo monguat'an janjinyo agatn bosumpah atas damo Rumah Allah, lalu io co gola' momonuhi sumpahnyo. Apo aman ado urakng inyo monguat'an janjinyo agatn sumpah atas kodampuan omas inyo ado di dalapm Rumah Allah, lalu io gola' momonuhi sumpahnyo.’

Matius 23:23

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' ja'. Kaitn moonju' ko Allah populuhan doi' hasil somuo tontanaman sampai inyo tokocit pan sama'an boko rorompahan solasih, adas manis, ongko jintatn. Apo kaitn co monaati boko porintah Allah dalapm Hukupm Torat inyo lobih pontikng. Ia'an nantai, koadilan, bolas kasihan huatan kosotiaan. Kaitn pontikng moonju' populuhan. Apo jangan sampai tongkolupatn monaati boko porintah inyo pontikng nantai jam!

Matius 23:25

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi' samo sama'an cangkir ongko pirikng inyo kaitn borosihi bayo dibuai luarnyo mo. Apo di dalapm hati kaitn tama' huatan jahat.

Matius 23:27

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi'. Kaitn samo sama'an pasaran inyo di cat putih. Di luarnyo kotiat'annyo boi' apo di dalapmnyo bisi agatn boko tulakng urakng mati huatan somuonyo buru'.

Matius 23:29

Allah paca'an mohukupm kaitn boko guru agama Yahudi huatan boko urakng Farisi. Kaitn pompadah boi'. Kaitn bulah pasaran pakai' boko nabi huatan mohiasi boko tugu poringant'an boko urakng inyo hidup bondar di hadapan Allah.

Matius 3:7

Apo banya' jam pomimpitn agama Yahudi pan datakng pakai' dibaptis. Ado doi' kolompok Farisi huatan kolompok Saduki. Watu Yohanes moniant sia', io bopandir, “Oi kaitn inyo jahat huatan licik sama'an ular biso! Jangan bopikir kaitn ulih morarian diri doi' hukupan Allah nononyo.

Lukas 11:52

“Allah tajahan mohukupm kaitn boko guru agama Yahudi, obai ponyongkal pakai' mombuka' lawakng pongotohuan mongonaꞌi Allah kaitn kuti', apo kaitn siku' kinyo honda' mansu' ko dalapm pakai' bogoyap pongotohuan nantai. Sobali'nyo kaitn hala mohalaki boko urakng inyo bousaha mansu'.”

Yohanes 9:22

Urakng tuhonyo bopandir ubo nantai obai sia' gola' agatn boko pomimpitn Yahudi. Obai, boko pomimpitn nantai udah bulah koputusan bosamo-samo, obai sotiap urakng inyo momadahan Yesus nantai Kristus, Rajo Inyo Dijanjian Allah, jadi urakng nian paca'an diusir doi' rumah sombayakng.

Yohanes 9:24

Jadi, udah koduo kalinyo boko urakng Farisi nantai monggoyapi urakng inyo tontainyo buto nantai. Kato sia' ko io, “Pandirancam inyo sobondarnya di hadapan Allah. Koi tohu obai Yesus nantai am urakng bodosa.”

Yohanes 9:34

Timbas sia', “Kolai udah bodosa doi' kolai lahir! Apo kolai honda' mongajar koi?” Lalu, sia' mousir io koluar.

Kisah Boko Rasul 5:28

“Koi udah morarakng kaitn agatn koras oca' kinyo dilabuhan agi' mongajar ajaran Urakng Nazaret nantai. Apo kaitn kinyo monuruti porintah nantai. Obai nantai, somuo urakng di Yerusalem udah mondinga' ajaran kaitn. Kaitn pan honda' monyalahan koi obai komatian Urakng Nazaret nantai.”

Kisah Boko Rasul 5:40

Sia' monyiuh oca' boko rasul nantai dibaba' bobali' mansu' ongko dipodularan. Lopas nantai, sia' morarakng boko rasul nantai pakai' moajaran ajaran inyo Yesus sampaian ko sia'. Ongko boko rasul nantai dilopasan.

2 Timotius 3:8

Boko urakng nantai bisi pikiran inyo jahat huatan udah co pocayo agi'. Sia' molawatn ajaran inyo bondar, samo sama'an Yanes ongko Yambres molawatn Musa.

2 Timotius 4:15

Apo kolai pan gola' boboi' agatn io nantai, obai io kotakng molawatn ajaran kito.