Matius 22:4 - Porjanjian Boharu Torjomahan Baso Dilakng Soari-ari

⁴ Jadi, io monyiuh sia', ‘Padahan ko boko urakng inyo dihundakng nantai obai pomakatn pogai udah siap. Boko sapi huatan boko ana' sapiku inyo gomu' udah disombolih. Somuonyo udah siap. Maracam datakng ko pogai kawitan ana'ku ni'in!’

Matius 22:4 ပူးပေါင်းရင်းမြစ်များ

Matius 21:36

Lopas nian, urakng umputn kobutn nantai monyiuh agi' boko hulutnnyo inyo bukai, lobih banya' doi' inyo potamonyo. Apo boko potani nantai boulahan sia' agatn caro inyo samo.

Matius 22:5

Apo boko urakng inyo dihundakng nantai totap co moolikannyo. Ado inyo botula' ko lakaunyo. Ado inyo botula' mourus usahanyo.

Matius 22:8

Lopas nantai, io bopandir ko boko hulutnnyo, ‘Pogai kawitn udah siap. Apo boko urakng inyo dihundakng tontai kinyo cucu'.

Lukas 14:17

Watu honda' mula'i pogai, io monyiuh hulutnnyo pakai' monyampaian posatn ni'in ko boko urakng inyo dihundakng nantai, ‘Huncapm, datakng. Somuonyo udah siap!’

Kisah Boko Rasul 1:8

Apo Roh Allah paca'an tinggal di dalapm kaitn. Watu nantai, kaitn paca'an monorima' kuaso. Kaitn paca'an momboritoan mongona'i Aku ko boko urakng bukai di kota Yerusalem huatan di sotiap doerah Yudea. Kaitn paca'an momboritoan mongona'i Aku jam di sotiap doerah Samaria. Kaitn paca'an momboritoan mongona'i Aku sampai ko boko tompat inyo palikng jouh di soluruh dunia.”

Kisah Boko Rasul 13:46

Apo Paulus ongko Barnabas kinyo gola'. Sia' bopandir, “Yesus moutus koi pakai' monyampaian Kabar Boi' mongona'i Sio. Koi gola' monyampaian lobih doholu ko kaitn, boko urakng Yahudi. Apo kaitn co honda' monorima' nantai. Rotinyo, kaitn kinyo moanggap diri cucu' monorima' hidup somanah-manahnyo. Obai nantai, ni'inan koi moninggalan kaitn ongko botula' molayati boko banso inyo bukainyo urakng Yahudi.

Roma 8:32

Allah mombiaran oca' Ana'-Nyo siku' sonsaro. Allah monyorahan Ana'-Nyo oca' Sio mati pakai' monanggukng hukupan dosa kito. Aman Allah udah molabuhan nantai pakai' kito, pasti Sio pan tajahan moonji'i kito somuo hal inyo bukai inyo Sio janjian.