Matius 22:3 - Porjanjian Boharu Torjomahan Baso Dilakng Soari-ari

³ Rajo nantai monyiuh boko hulutnnyo oca' moningkau boko urakng inyo dihundakng boko hulutnnyo, inyo bukai. Katonyo boko urakng inyo dihundakng ko pogai nantai kinyo honda' datakng.

Matius 22:3 ပူးပေါင်းရင်းမြစ်များ

Matius 21:34

Watu musipm mongopil anggur nantai hampikam, puku' kobutn nantai monyiuh boboropo hulutnnyo ko boko potani ponyewa nantai pakai' mongopil hasil kobutn inyo udah monjadi hak umputnnyo.

Matius 23:37

Lalu Yesus bopandir agatn salu', “Oi, boko urakng Yerusalem. Kaitn mombunuh boko nabi. Allah moutus boko urakng ko kaitn, apo kaitn monikapm sia' agatn batu sampai mati. Aku honda' hala molinduki kaitn, samo sama'an indai manu' inyo molinduki poana'annyo di babah sayapnyo. Apo, bolai' kaitn.

Matius 3:2

“Koraja'an Sorugo udah dampikam! Jadi, botongga'cam kaitn bulah dosa ongko kaitn monyonangan hati Allah.”

Matius 9:15

Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Lukas 13:34

Lalu Yesus bopandir kotakan salu', “Ihai, boko urakng Yerusalem. Allah moutus boko nabi ko kaitn, apo kaitn monikapi sia' agatn batu sampai mati. Aku honda' hala molinduki kaitn, samo sama'an indai manu' inyo molinduki boko ana'nyo di babah sayapnyo. Apo, kaitn monula'.

Lukas 15:28

Ana' inyo kojula'an nantai tomaho godi bondar sampai io bolai' mansu' ko rumah. Ongko bopainyo koluar pakai' mongkongkanti'i oca' io mansu'.

Lukas 19:27

Nah, ni'in mongonaꞌi boko musuhku nantai inyo kinyo honda' aku monjadi rajonyo. Baba'cam sia' ko si'itn. Bunuh somuonyo di hadapanku!’ ”

Yohanes 5:40

Biar pan ubo nian, kaitn co honda' datakng ko Aku pakai' mondapat'an hidup nantai.

Kisah Boko Rasul 13:45

Apo watu boko urakng Yahudi moniant urakng banya' nantai, sia' monjadi kotakan tungi. Sia' mohayam Paulus. Sia' jam monikaki la'apo inyo diajarannyo.

Roma 10:21

Apo mongona'i banso Israel, nabi Yesaya momadahan pomandiran Allah ni'in: “Siakng-malapm Aku udah mombaba' banso nantai pakai' bobali' monyonangan hati-Ku. Apo sia' co taat ongko ongkah molawatn Aku am.”

Ibrani 12:25

Porotian cam oca' kaitn jangan monula' Allah inyo bopandir. Timpu joman komai Sio momporingant'i sia' di bumi ni'in. Ongko sia' inyo monula' Sio nantai, sia' dihukupm. Tolobih agi' kito! Aman kito monula' Sio inyo bopandir doi' sorugo, pasti kito tajahan dihukupm!

Ibrani 9:15

Obai nantai, Kristus nam Porontaro inyo moadoan pojanjian boharu, ia'an oca' urakng inyo ditingkau Allah ulih monorima' somuo borokat pakai' somanah-manahnyo inyo udah dijanjian-Nyo. Somuonyo nantai ulih tojadi obai udah ado inyo mati, ia'an Kristus. Komatian-Nyo mombebasan urakng doi' boko kosalahan inyo dilabuhan sia' timpu pojanjian inyo potamo ija' bolaku.

Wahyu 22:17

Roh Allah huatan Pongantitn botina' bopandir, “Hincapm, datakngcam!” Oca' somuo urakng inyo mondinga'nyo nantai bopandir, “Hincapm, datakngcam!” Oca' somuo urakng inyo korahakan, somuo urakng inyo honda' minum, datakng jam. Sia' ulih monguti' modas ara'i inyo moonji'i kohidupan.