Matius 22:19 - Porjanjian Boharu Torjomahan Baso Dilakng Soari-ari

¹⁹ Cubo tiat'an ko Aku sopingka'i duit pira' inyo kaitn gunoan pakai' mombayar pajak!” Jadi, sia' moonju' sopingka'i duit pira' ko Yesus.

Matius 22:19 ပူးပေါင်းရင်းမြစ်များ

Matius 17:25

Timbas Petrus, “Au, Sio memang jumpat poraturan nantai mo.” Lalu, Petrus mansu' ko dalapm rumah. Sobolupm io sampat bopandir mongona'i nantai ko Yesus, Yesus botakutn ko io doholu. Kato Sio, “Simon Petrus, monurut kolai, boko rajo dunia ni'in mongumpulan pajak doi' sopo? Doi' rayatnyo siku' kata'an doi' urakng bukai?”

Matius 18:28

Apo, hulutn nantai koluar lalu botomu agatn kawalnyo korojo inyo bohutakng ko io sobanya' upahnyo soratus ari korojo. Io monangkap huatan mongoci' kawalnyo nantai. Katonyo, ‘Bayar hutakng kolai!’

Matius 20:2

Sio sotuju mombayar sia' sopingka'i duit pira' pakai' soari bokorojo, sama'an biaso. Lalu, io monyiuh sia' botula' bokorojo di kobutnnyo nantai.

Matius 22:18

Apo Yesus tohu mo tujuan sia' inyo jahat nantai. Ia'an Sio bopandir, “Kaitn pompadah boi' mo. Mapo kaitn monjebak-Ku?

Matius 22:20

Yesus botakutn ko sia', “Gambar huatan damo sopo ado di siatn?”

Markus 12:16

Ongko, sia' moonju' sopingka'i duit pira' ko Sio. Yesus botakutn ko sia', “Gambar ongko damo sopo tocetak di si'itn?” Timbas sia', “Gambar ongko damo Rajo Roma inyo disobut Kaisar.”

Wahyu 6:6

Aku mondinga' ubo ado bunyi saro di tongah-tongah koompat mahluk nian. Saro nantai bopandir, “Rogo sokilu topukng gandupm monjadi kotakng mahal, samo agatn upah soari ponuh. Rogo tigo kilu topukng sonjoli mudahmo monjadi sorogo upah soari ponuh. Apo jangannam morusa' kobutn buah Jaitun ongko kobutn anggur.”