Matius 22:16 - Porjanjian Boharu Torjomahan Baso Dilakng Soari-ari

¹⁶ Jadi, sia' monyiuh boko murid sia' huatan boko urakng inyo mondukukng Rajo Herodes botula' ko Yesus. Boko urakng nantai bopandir ko Yesus, “Guru, koi tohu Duatn urakng inyo jujur. Duatn mongajar agatn jujur mongona'i caro hidup sosuai agatn porintah Allah. Duatn co bopihak ko boko urakng totontu. Obai nantai, Duatn co gola' agatn sopo pan.

Matius 22:16 ပူးပေါင်းရင်းမြစ်များ

Matius 22:24

“Guru, Musa moajaran poraturan ubo ni'in: Aman siku' urakng lolaki mati, bolupm boana', jadi somadikannyo gola' kawitn agatn iparnyo nantai oca' dionji'i koturutan pakai' somadikannyo inyo udah mati nantai.

Matius 22:26

Somadikan inyo koduo kawitn agatn iparnyo nantai. Apo, io pan mati sobolupm boana' jam. Ubo nian jam tojadi ko somadikannyo kotigo. Huatan ubo nian jam tojadi sampai somadikannyo kotujuh.

Matius 26:18

Timbas Yesus, “Mansu' ko kota Yerusalem ko urakng nantai inyo kito konal. Padahan ko io, ‘Guru ado posatn. Watu pakai' Sio hampir datakam. Sio honda' morayaan Paskah di dalapm rumah kolai bosamo-samo agatn boko murid-Nyo.’ ”

Matius 26:49

Jadi, pas rombokannyo datakam, Yudas lansukng mondataki Yesus. Katonyo, “Salapm, Guru!” Lalu, Yudas monciupm Sio.

Markus 10:17

Timpu Yesus molajuan pojalatan-Nyo agi', ado urakng bonggidi'an monuju ko Sio. Urakng nantai tundu' monyungkapan di pohadapan Yesus ongko botakutn, “Guru inyo boi', la'apo inyo gola' ku labuhan oca' bodapat hidup kokal?”

Markus 12:13

Lopas nian, boboropo pomimpitn agama Yahudi doi' kolompok Farisi agatn boko urakng inyo mondukukng Rajo Herodes disiuh botula' ko Yesus. Tujuan sia' pakai' mouru'an Yesus agatn sobuah potakutan.

Markus 12:14

Jadi, boko urakng nantai datakng ko Yesus huatan bopandir, “Guru, koi tohu Duatn urakng inyo jujur. Duatn mongajar agatn jujur mongona'i caro hidup sosuai agatn porintah Allah. Duatn kinyo momihak boko urakng totontu. Obai nantai, Duatn kinyo gola' agatn sosopo pan. Monurut Duatn, poraturan Allah dalapm Hukupm Torat moulihan kito mombayar pajak ko Rajo Roma kata'an cado ai? Gola' kito bayar pajak kata'an cado ai?”

Markus 3:6

Jadi, boko urakng Farisi koluar, copat bohoupm agatn boko urakng inyo mondukukng Rajo Herodes. Bosamo-samo sia' bohajat pakai' mombunuh Yesus.

Markus 8:15

Yesus moonju' porintah ni'in ko sia'. Kato-Nyo, “Jagocam diri kaitn doi' ragi boko pomimpitn agama Yahudi huatan doi' kolompok Farisi ongko tohadap ragi rajo Herodes.”

Lukas 20:21

Boko urakng nantai bopandir ko Yesus, “Guru, koi tohu somuo pomandiran huatan ajaran Duatn hala bondar. Duatn co momihak ko boko urakng totontu apo hala jujur agatn boko urakng, ongko mongajar sia' caro hidup sosuai agatn porintah Allah.

Lukas 7:40

Jadi Yesus bopandir ko io, “Simon, ado lou' inyo honda' Ku pandiran ko kolai.” Timbas Simon, “Pandiran cam, Guru.”

Yohanes 14:6

Kato Yesus ko io, “Aku samo sama'an jalatn inyo bondar pakai' mongonal Allah, jalatn inyo monuju ko kohidupan inyo sobondarnyo. Aman ado urakng inyo honda' datakng ko Allah Bopai, ongkah molalu'i Aku am jalatnnyo.

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Yohanes 7:18

Urakng inyo mongajar agatn pomandiran doi' dirinyo siku', io bayo goyap kohormatan pakai' dirinyo siku'. Apo urakng inyo goyap kohormatan pakai' Sio inyo moutusnyo, urakng nantai bujur bondar. Io kinyo monipu urakng bukai.

2 Korintus 2:17

Obai, banya' urakng momboritoan Pomandiran Allah pakai' mondapat'an kountukan. Apo, koi co sama'an sia'. Koi momboritoan Pomandiran Allah agatn hati inyo tulus. Koi momboritoan sobagai urakng inyo diutus Allah, urakng inyo bopandir di hadapan Allah, urakng inyo hidup dalapm Kristus.

2 Korintus 4:2

Apo koi co molabuhan boko porbuatan inyo momaluan inyo gola' sampai diombakan. Koi co monipu urakng timpu koi momboritoan Pomandiran Allah mongona'i Kristus. Koi pan co moncampuran ajaran inyo salah agatn pomandiran Allah nantai. Sobali'nyo, koi mongajar boko hal inyo bondar agatn torus torakng. Ubo nian polayatan koi di hadapan Allah, jadi somuo urakng ulih monilai koi dalapm hati sia' siku'.

2 Korintus 5:16

Obai, nantai koi co agi' monilai urakng monurut ukuran kito. Koi kalo monilai Kristus monurut ukuran monsio. Apo ni'in co ija' sama'an nantaiam.

Galatia 1:10

Agatn pomandiran nantai, udah jolas aku kinyo bousaha monyonangan monsio. Aku bayo bousaha monyonangan hati Allah mo! Soandainyo aku bousaha monyonangan monsio, nantai paca'an bulah aku co agi' monjadi hulutn umputn Rajo Inyo Dijanjian Allah.

Galatia 2:6

Sokali agi' somadikan, aku udah monjolasan polayatan aku ko pomimpitn di Yerusalem. Biar pan sia' dianggap tohormat, aku co poduli agatn kodudu'an sia' nantai. Obai Allah pan co poduli aman boko urakng dianggap pontikng kata'an cado. Apo boko pomimpitn nantai sotuju agatn aku. Sia' kinyo momosoan la'apo pan ko Kabar Boi' inyo aku boritoan.

1 Tesalonika 2:4

Apo sobali'nyo, koi momboritoan Kabar Boi' obai koi diutus Allah, obai Sio moanggap koi cucu' pakai' molabuhan polayatan nantai. Jadi, koi co bousaha monyonangan hati monsio. Koi bousaha monyonangan hati. Sio inyo mouji hati koi.

Yakobus 3:17

Apo boko urakng inyo ado hikmat doi' Allah, caro hidup sia' sama'an ni'in: Inyo palikng pontikng sia' hidup agatn caro inyo borosih. Sia' gala' agatn podamaian. Sia' lomah-lombut huatan hatinyo tobuka' pakai' monuruti kohonda' urakng bukai. Sia' monunju'an kasih sayangnyo ko urakng bukai huatan hala bulah koboi'an. Sia' co momihak ko boko urakng totontu, apo hala botorus torakng.

1 Yohanes 5:20

Kito tohu obai Ana' Allah udah datakng ko dunia ni'in. Sio udah moonji'i pongorotian ko kito oca' kito mongonal Allah inyo bondar. Kito hidup bosatu agatn Allah inyo bondar. Kito pan gola' hidup bosatu agatn Ana'Nyo, Yesus Kristus. Sio nianam Allah inyo bondar. Sio nianam inyo moonji'i kohidupan kokal.