Matius 22:12 - Porjanjian Boharu Torjomahan Baso Dilakng Soari-ari

¹² Jadi, rajo botakutn ko io, ‘Uai somadikan, ubo apo kulo ulih mansu' ko si'itn co momakai pakai'an pogai kawitn?’ Urakng nantai co bopandir la'apo pan.

Matius 22:12 ပူးပေါင်းရင်းမြစ်များ

1 Korintus 4:5

Obai nianam, jangan kaitn monilai boko urakng bukai. Tantian sampai Yesus datakng. Sio paca'an monoraki la'apo inyo diombakan di dalapm potakng. Sio paca'an moniant'an somuo pikiran inyo ado dalapm hati sotiap urakng. Ongko, Allah inyo paca'an momuji sia' sosuai agatn polayatan sia' siku'-monyiku'.

Matius 20:13

Apo umputn kobutn nantai monimbasi salah siku' doi' sia'. Katonyo, ‘Kawal, aku co molabuhan inyo kurakng adil ko kulo! Kito duo udah sotuju obai kulo paca'an dionji'i upah sopingka'i duit pira' pakai' so ari bokorojo.

Matius 26:50

Kato Yesus, “Uai kawal, labuhan ja' la'apo inyo monjadi hajat kulo.” Copat rombokan nantai maju, monangkap Yesus.

Roma 3:19

Kito tohu obai la'apo pan inyo totulis dalapm Hukupm Torat, tomansu' pomandiran nantai, pakai' urakng inyo mondapat'an Hukupm Torat nantai jam. Jadi, sopo pan conyiant alasan pakai' mombondaran diri. Somuo urakng di soluruh dunia gola' dihukupm Allah.

Matius 5:20

Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”