Matius 22:10 - Porjanjian Boharu Torjomahan Baso Dilakng Soari-ari

¹⁰ Lalu boko hulutn nantai botula' ko boko jalatn mohundakng somuo urakng inyo di tomu'inyo, ia'an boko urakng jahat huatan boko urakng boi'. Lalu, banya' bondar boko urakng inyo dihundakng nantai datakng.

Matius 22:10 ပူးပေါင်းရင်းမြစ်များ

Wahyu 7:9

Lopas nantai aku moniant, ih, ado kumpulan urakng inyo kotakan banya', kinyo tohitukng jumlahnyo. Sia' doi' sotiap banso, sotiap suku, sotiap negara, sotiap baso. Sia' bodiritn di hadapan tahta ongko di hadapan Ana' Domba. Sia' momakai jubah putih ongko monjujut boko dahatn kayu palem di jari sia'.

1 Yohanes 2:19

Boko musuh Kristus nantai am boko urakng inyo udah koluar doi' kolompok kito. Apo, sobondarnyo sia' kinyo bobondar tomansu' kolompok kito inyo pocayo ko Yesus Kristus. Soandainyo sia' tomansu' kolompok kito, mungkitn sia' totap bosamo-samo agatn kito. Apo pas sia' moninggalan kito, hal nantai mombutian obai sia' somuo kinyo tomansu' kolompok kito.

2 Korintus 12:21

Aku bogonang watu ku datakng agi', Allahku paca'an bulah ku malu di hadapan kaitn. Aku paca'an monangis salu' obai banya' urakng di antaro kaitn ija' hidup dalapm dosa. Sia' bolupm moninggalan boko hal inyo kotor, boko hal kinyo sonunuh, bokohonda' kinyo patut.

Matius 25:10

Lalu boko botina' daro inyo budu nantai botula' momboli minya'. Apo, tongahan sia' bojalatn, pongantitn lolaki nantai datakam. Kolima' botina' inyo udah siap ulih mansu' ko pogai kawitn nantai bosamo-samo agatn pongantitn lolaki. Lalu, lawakng ditutupam.

Wahyu 5:9

Sia' monyanyian nyanyian boharu pakai' momuji Ana' Domba nantai. Kato sia', “Duatn inyo cucu' monorima' gulukan buku nian lalu molopasan boko segelnyo. Obai, Duatn udah disombolih; Agatn darah Duatn siku', Duatn udah mombayar hukupan dosa boko urakng doi' sotiap suku, sotiap baso, sotiap banso, sotiap negara. Duatn molabuhan nantai pakai' bulah sia' monjadi umant umputn Allah.

Matius 13:38

Lakau nantai monggambaran dunia ni'in. Bonih gandupm inyo boi' nantai monggambaran boko urakng anggota Koraja'an Sorugo. Apo solalakng nantai monggambaran boko urakng inyo pongikut rajo Sitatn.

Matius 9:15

Timbas Yesus ko sia', “Dalapm poumpamoan ni'in watu pongantitn lolaki ado bosamo agatn pokawalannyo di pogai kawitn, pasti sia' kinyo salu'. Apo watunyo paca'an datakng, pongantitn lolaki dikuti' doi' sia'. Watu nantai, sia' paca'an bolampah.

Matius 22:9

Jadi botula'cam ko boko posimpakan jalatn. Hundakngcam somuo urakng inyo kaitn tomu'i di santai oca' sia' datakng ko pogai kawitn ni'in.’