Matius 21:46 - Porjanjian Boharu Torjomahan Baso Dilakng Soari-ari

⁴⁶ Jadi sia' bogoyap caro pakai' monangkap Sio. Apo co ulih, obai sia' gola' agatn urakng banya' inyo moanggap Yesus sobagai nabi.

Matius 21:46 ပူးပေါင်းရင်းမြစ်များ

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Matius 21:26

Apo aman kito bopandir, ‘Bayo monsio inyo’ moonji'i kuaso nantai ko io kito gola' agatn urakng banya' ni'in, obai sia' pocayo Yohanes ia'an nabi inyo dionji'i kuaso doi' Allah.”

Matius 21:45

Watu boko imam kopala' huatan boko pomimpitn agama Yahudi doi' kolompok Farisi mondinga' boko poumpamoan nantai, sia' mongoroti obai Yesus bopandir mongona'i diri sia'.

Matius 22:1

Lalu Yesus monyampaian poumpamoan agi' ko sia'.

Markus 11:18

Boko imam kopala' agatn boko guru agama Yahudi mondinga' mongona'i hal nantai. Sia' gola' agatn Sio obai somuo urakng hiratn agatn ajaran-Nyo. Jadi, sia' bogoyap caro pakai' mombunuh Sio.

Lukas 7:16

Boko urakng moniant kojadian nantai, topocongo ongko kotakan hormat kapikng momuji Allah. Kapikng bopandir ko siku'-monyiku', “Siku' nabi bosar Allah udah hidup am di tongah-tongah kito, Allah udah monulukng kito umant-Nyo.”

Lukas 7:39

Urakng Farisi inyo mohundakng Yesus moniant porbuatan botina' nantai. Ongko, bopandir dalapm hatinyo, “Aman Sio bondar-bondar nabi, soharusnyo Sio tohu mongonaꞌi kohidupan botina' ni'in. Botina' inyo hidup dalapm dosa!”

Yohanes 7:30

Obai nantai, sia' bousaha monangkap Yesus, apo conyiant ado siku' urakng pan inyo ulih moncama'-Nyo, obai watunyo nantai bolupm datakng.

Yohanes 7:7

Boko urakng di dunia conyiant alasan pakai' bonci'an kaitn. Apo dunia bonci'an Aku obai Aku hala momadahannyo ko sia' obai porbuatannyo jahat.

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.