Matius 21:44 - Porjanjian Boharu Torjomahan Baso Dilakng Soari-ari

⁴⁴ Batu nantai paca'an mohancuran sotiap urakng inyo jatu' di pucu'nyo, huatan moropu'an sotiap urakng inyo ditinggakngnyo.”]

Matius 21:44 ပူးပေါင်းရင်းမြစ်များ

Matius 21:43

Lalu Yesus bopandir, “Jadi, pondinga'ancam ni'in: Hak kaitn pakai' monjadi anggota Koraja'an Allah paca'an dikuti' doi' kaitn. Hak nantai paca'an dionju' ko banso inyo sotia molabuhan kohonda' Allah. [

Matius 21:45

Watu boko imam kopala' huatan boko pomimpitn agama Yahudi doi' kolompok Farisi mondinga' boko poumpamoan nantai, sia' mongoroti obai Yesus bopandir mongona'i diri sia'.

Matius 26:24

Udah totulis dalapm Buku Suci mongona'i Ana' Monsio inyo paca'an dijual ko boko urakng inyo molawatn Sio. Sosuai agatn tulisan nantai, hal nantai paca'an tojadi ko Sio. Apo Allah paca'an mohukupm urakng inyo molabuhan nantai. Lobih boi' pakai' urakng nantai aman io kinyo kalo dilahiran samo sokali!”

Matius 27:25

Timbas somuo urakng banya' nantai, “Biaram koi huatan boko bobia' koi botanggukng jawab mongona'i komatian-Nyo!”

Lukas 2:34

Ongko Simeon momborokati Maria agatn Yusuf. Huatan io bopandir ko Maria, “Sobondarnyo, Bobia' ni'in udah dipilih Allah, oca' isi hati boko urakng banyaꞌ inyo tobumbutn tajahan kotohuan. Sio monjadi tando pakai' monunju'an kohonda' Allah, sampai banyaꞌ boko urakng Israel monjadi lobih dampikng ko Allah. Apo banyaꞌ jam inyo tajahan molawatn-Nyo. Banyaꞌ urakng Israel paca'an monjouhan diri doi' Allah obai monula' Bobia' ni'in. Ajab sonsaro sampai komatian inyo paca'an dialapi-Nyo tajahan bulah kolai pan bulikng, Maria. Samo ubo podakng inyo monuhu' hati kolai.”

Lukas 20:18

Batu nantai paca'an mohancuran sotiap urakng inyo jatu' di pucu'nyo, huatan mohancuran sotiap urakng inyo ditinggakngnyo.”

Yohanes 19:11

Timbas Yesus, “Kolai bokuaso tohadap Aku obai Allah inyo moonji'i kolai kuaso nantai. Obai nantai, urakng inyo monyorahan Aku ko kolai, io udah bulah dosa inyo lobih bosar daripado dosa inyo tajahan kolai pulah.”

Roma 9:33

Samo sama'an pomandiran Allah inyo ditulis di Buku Suci: “Porotiancam! Aku molota'an Batu di Sion. Batu nantai bulah urakng topanjur. Apo urakng inyo pocayo ko Sio, tajahannyo kinyo kalo monjadi malu obai io pocayo.”

1 Tesalonika 2:16

obai sia' bousaha monongga'an koi oca' co momboritoan Kabar Boi' ko urakng inyo bukainyo urakng Yahudi. Sia' kinyo honda' kaitn inyo bukainyo urakng Yahudi disolamant'an! Agatn boko porbuatan nantai, sia' torus-monorus monambah dosa sia' udah langkukng-lalu ongko. Ni'in, koponsuahannyo Allah pan godi. Pasti sia' paca'an dihukupm kotakng borat.

1 Petrus 2:8

“Nantai am ‘Batu bulah sia' topanjur.’ Batu inyo bulah sia' tokorahap.” Sia' topanjur ko batu nantai obai sia' kinyo monaati Pomandiran Allah. Nantaiam inyo udah ditontuan Allah pakai' sia'.