Matius 21:34 - Porjanjian Boharu Torjomahan Baso Dilakng Soari-ari

³⁴ Watu musipm mongopil anggur nantai hampikam, puku' kobutn nantai monyiuh boboropo hulutnnyo ko boko potani ponyewa nantai pakai' mongopil hasil kobutn inyo udah monjadi hak umputnnyo.

Matius 21:34 ပူးပေါင်းရင်းမြစ်များ

Matius 22:3

Rajo nantai monyiuh boko hulutnnyo oca' moningkau boko urakng inyo dihundakng boko hulutnnyo, inyo bukai. Katonyo boko urakng inyo dihundakng ko pogai nantai kinyo honda' datakng.

Matius 21:35

Apo boko potani ponyewa kobutn nantai monangkap boko hulutn nantai. Inyo siku' sia' pantu, inyo siku' agi' sia' bunuh, huatan inyo siku' urakng bukai agi' sia' tikapi agatn batu.

Matius 21:38

Apo, pas boko potani ponyewa nantai moniant ana' urakng umputn kobutn tongahan datakng, sia' bohoupm agatn siku'-monyiku', ‘Io nian ia'an ahli waris puku' kobutn ni'in nononyo io monjadi urakng umputn kobutn ni'in aman bopainyo udah mati. Mara, kito mombunuh io oca' warisan kobutn ni'in paca'an monjadi umputn kito!’

Matius 21:40

Lalu Yesus botakutn ko boko pomimpitn banso Yahudi nantai, “Timpu urakng umputn kobutn anggur nantai datakng, la'apo inyo paca'an io pulah ko boko potani inyo ponyewa kobutn nantai?”

Matius 21:41

Timbas sia' ko io, “Pasti urakng umputn kobutn nantai paca'an mombunuh boko urakng jahat nantai. Lalu io paca'an monyewaan kobutn anggur nantai ko boko potani inyo honda' moonji'i pombagian hasil kobutn ko io udah watunyo.”

Markus 12:1

Lopasnyo Yesus bopandir ko sia' momakai poumpamoan. KatoNyo, “Ado urakng inyo mombulah kobutn anggur. Io mombulah pagar sokolilikngnyo, mongali lubakng tompat momoyah buah anggur nantai, ongko moninjakan monara jam oca' kobutn nantai dapat dijago'i. Lopasnyo, io monyewaan kobutn nantai ko boko potani, lalu borangkat ko nogori bukai.

Markus 12:7

Apo, boko potani ponyewa nantai bopandir di antaro sosamo sia', ‘Io nantai nononyo inyo monjadi puku' kobutn ni'in aman bopainyo udah mati. Mara am, kito mombunuh io oca' kobutn ni'in monjadi umputn kito!’

Markus 12:9

Lopasnyo Yesus botakutn ko sia', “Watu ni'in, la'apo inyo tajahan dilabuhan puku' kobutn nantai? Pasti io tajahan datakng lalu mombonasoan boko potani ponyewa nantai. Lopas nantai io tajahan mompocayoan kobutn anggur nantai ko boko urakng bukai.

Lukas 20:9

Lalu Yesus mongajar boko urakng di tongahlamanan Rumah Allah nantai agatn poumpamoan ni'in, “Ado siku' urakng inyo mombuka' lahatn pakai' bokobutn anggur. Io monyewaan kobutn nantai ko boboropo potani, lalu botula' ko nogori bukai dalapm watu inyo kotakng manah.