Matius 21:29 - Porjanjian Boharu Torjomahan Baso Dilakng Soari-ari

²⁹ Timbas ana'nyo nantai, ‘Cuku sanggup.’ Apo lopas nian io monyosal lalu botula' bokorojo di kobutn anggur nantai.

Matius 21:29 ပူးပေါင်းရင်းမြစ်များ

1 Korintus 6:11

Ija' komainyo ado boko urakng di antaro kaitn inyo hidup sama'an nian. Apo kaitn udah diborosihi doi' boko dosa. Kaitn udah monjadi umant husus umputn Allah. Kaitn udah dianggap bondar di hadapan Allah. Somuo nian tojadi obai kuaso Tuhatn Yesus Kristus huatan kuaso Roh Allah kito.

Kisah Boko Rasul 26:20

Mulonyo, aku momboritoan mongona'i Yesus ko boko urakng di Damsyik, ongko di Yerusalem, ongko di soluruh doerah propinsi Yudea. Lopas nantai, aku momboritoan mongona'i Yesus ko boko banso inyo bukainyo banso Yahudi. Aku momboritoan obai sia' gola' botongga' bulah dosa huatan hidup monyonangan hati Allah. Aku momboritoan, sia' gola' molabuhan porbuatan inyo monunju'an obai sia' memang bondar-bondar botongga' bulah dosa.

Matius 21:31

Nah, doi' antaro duo ana'nyo nantai, inyo mono molabuhan kohonda' bopainyo?” Timbas sia', “Inyo potamo.” Kato Yesus ko sia', “Dinga'anbo! Yohanes Pombaptis datakng pakai' monunju'an ko kaitn caro hidup bondar di hadapan Allah. Apo kaitn co pocayo agatn io. Apo boko urakng inyo bodosa sama'an boko ponagih pajak huatan boko botina' lahukng, sia' pocayo ko Yohanes. Biar pan kaitn moniant nantai, apo lopas nian kaitn co monyosal. Kaitn totap co pocayo ko io. Obai nantaiam, boko ponagih pajak huatan boko botina' lahukng paca'an lobih doholu monjadi anggota koluarga Koraja'an Allah daripado kaitn.”

Matius 21:28

Lalu Yesus bopandir ko boko imam kopala' huatan ko boko totuho, “Ubo apo pondapat kaitn mongona'i kisah ni'in: Ado siku' urakng Bopai bisi duo urakng ana' lolaki. Bopainyo nantai monomu'i ana' inyo potamo lalu bopandir, ‘Ana'ku, botula'cam bokorojo di kobutn anggur sari ni'in.’

Matius 21:30

Bopai nantai monomu'i ana'nyo inyo koduo lalu momadahan hal inyo samo, monyiuh io labuh bokorojo di kobutn anggur. Timbas Ana'nyo nantai, ‘Au, Bopai’, aku paca'an botula'mo. Apo io co botula'.