Matius 21:28 - Porjanjian Boharu Torjomahan Baso Dilakng Soari-ari

²⁸ Lalu Yesus bopandir ko boko imam kopala' huatan ko boko totuho, “Ubo apo pondapat kaitn mongona'i kisah ni'in: Ado siku' urakng Bopai bisi duo urakng ana' lolaki. Bopainyo nantai monomu'i ana' inyo potamo lalu bopandir, ‘Ana'ku, botula'cam bokorojo di kobutn anggur sari ni'in.’

Matius 21:28 ပူးပေါင်းရင်းမြစ်များ

Matius 17:25

Timbas Petrus, “Au, Sio memang jumpat poraturan nantai mo.” Lalu, Petrus mansu' ko dalapm rumah. Sobolupm io sampat bopandir mongona'i nantai ko Yesus, Yesus botakutn ko io doholu. Kato Sio, “Simon Petrus, monurut kolai, boko rajo dunia ni'in mongumpulan pajak doi' sopo? Doi' rayatnyo siku' kata'an doi' urakng bukai?”

Matius 20:1

Yesus molajuan pomandiran-Nyo, “Koraja'an Sorugo samo sama'an kisah ni'in. Ado siku' urakng inyo umputn sobidakng kobutn anggur. Sunsukng pukau, io botula' bogoyap boboropo urakng pakai' bokorojo di kobutnnyo nantai.

Matius 21:27

Jadi sia' bopandir ko Yesus, “Koi co tohu.” Yesus bopandir, “Aman ubo nian, Aku pan co momadahannyo ko kaitn sopo inyo moonji'i kuaso ko Aku pakai' molabuhan somuonyo ni'in.”

Matius 21:29

Timbas ana'nyo nantai, ‘Cuku sanggup.’ Apo lopas nian io monyosal lalu botula' bokorojo di kobutn anggur nantai.

Matius 21:33

“Dinga'anbo kisah inyo bukainyo agi': Ado siku' urakng umputn tanah inyo bulah kobutn anggur. Sio bulah pagar sokolilikngnyo, mongali lubakng tompat mohapit buah anggur nantai, ongko moninjakan pos pakai' monjago'i kobutnnyo. Lopas nian, io monyewaan kobutn nantai ko boboropo potani, lalu botula' ko nogori bukai.

Matius 22:17

Monurut Duatn, apobai poraturan Allah inyo ditulis Musa dalapm Hukupm Torat moijitan kito mombayar pajak ko Rajo Roma kata'an cadoai?”

Markus 13:34

Koadaannyo samo sama'an kisah ni'in: Ado siku' habakng inyo moninggalan rumahnyo lalu botula' ko doerah inyo jouh. Io moonji'i tugas ko siku'-monyiku' hulutnnyo pakai' monyiuh sia' mourus rumahnyo. Io moonju' porintah ko urakng inyo monjago lawakng, oca' bojago boboi'.

Lukas 13:4

Sama'an nian jam borito mongonaꞌi dolapatn bolas urakng inyo mati watu monara Siloam di kota Yerusalem robah moninggakng sia'. Jangan bopikir nian tojadi ko sia' obai sia' lobih bodosa doi' boko urakng bukai di kota Yerusalem.

1 Korintus 10:15

Aku bopandir ko kaitn obai aku tohu kaitn boko urakng pintar-corodi'. Jadi, kaitn siku' ulih momutusan aman pomandiranku ni'in bondar cado.

1 Korintus 15:58

Jadi, boko somadikan inyo aku kasihi, totap pocayo ko Yesus agatn yakitn. Jangan goyah. Bokorojocam agatn rajitn pakai' Tuhatn. Obai, kaitn tohu obai somuo inyo kaitn korojoan pakai' Tuhatn ado kountukannyo.