Matius 21:26 - Porjanjian Boharu Torjomahan Baso Dilakng Soari-ari

²⁶ Apo aman kito bopandir, ‘Bayo monsio inyo’ moonji'i kuaso nantai ko io kito gola' agatn urakng banya' ni'in, obai sia' pocayo Yohanes ia'an nabi inyo dionji'i kuaso doi' Allah.”

Matius 21:26 ပူးပေါင်းရင်းမြစ်များ

Markus 6:20

obai Herodes molinduki Yohanes. Obai Herodes gola' agatn Yohanes obai io tohu Yohanes nam urakng inyo husus dipakai Allah ongko hidup bondar di hadapan Allah. Sotiap kali Herodes mondinga' Yohanes, hatinyo hala golisah, apo io mooso sonang mondinga'an io.

Yohanes 5:35

Yohanes samo sama'an pompolitoan inyo bonyalo huatan bocohayo. Kaitn sonang monorima' cohayonyo nantai apo bayo somontaro mo.

Matius 21:46

Jadi sia' bogoyap caro pakai' monangkap Sio. Apo co ulih, obai sia' gola' agatn urakng banya' inyo moanggap Yesus sobagai nabi.

Matius 14:5

Sobondarnya Herodes honda' mombunuh Yohanes, apo io gola' agatn boko urakng. Obai, sia' moanggap Yohanes ia'an siku' nabi.

Matius 11:9

Jadi, kaitn botula' ko su'utn pakai' moniant la'apo? Pasti pakai' moniant siku' urakng nabi, bai? Apo, dinga'anbo ni'in. Io lobih pontikng doi' siku' urakng nabi biaso.

Kisah Boko Rasul 5:26

Jadi, kopala' pongawal Rumah Allah bosamo agatn boko potugasnyo botula' ko su'utn. Sia' honda' mombaba' agi' boko rasul nantai. Apo sia' gola' agatn urakng banya' inyo tongahan mondinga' ajaran boko rasul nantai. Gola'nyo urakng banya' nantai godi ongko monikapm sia' agatn batu. Obai nantai, pongawal Rumah Allah bosamo boko potugasnyo mombaba' boko rasul nantai kinyo agatn kokorasan.

Yohanes 9:22

Urakng tuhonyo bopandir ubo nantai obai sia' gola' agatn boko pomimpitn Yahudi. Obai, boko pomimpitn nantai udah bulah koputusan bosamo-samo, obai sotiap urakng inyo momadahan Yesus nantai Kristus, Rajo Inyo Dijanjian Allah, jadi urakng nian paca'an diusir doi' rumah sombayakng.

Lukas 22:2

Boko imam kopala' huatan boko guru agama Yahudi tongahan bogoyap caro pakai' mombunuh Yesus socaro bototapu'. Sia' gola' tajahan tojadi sosuatu hal aman ado banyaꞌ urakng watu sia' monangkap Sio.

Lukas 20:19

Timpu nantai jam, boko guru Poraturan Agama Yahudi huatan boko imam kopala' honda' monangkap Sio obai sia' udah mongoroti masud doi' poumpamoan Yesus inyo monyalahan sia'. Apo culih sia' monangkap Sio watu nantai obai sia' gola' agatn urakng banya'.

Lukas 20:6

Apo aman kito bopandir, ‘Bayo monsio inyo moonji'i hak nantai ko Yohanes’ somuo urakng bukai di si'itn tajahan monikapi kito agatn batu sampai mati, obai sia' pocayo Yohanes nantai nabi inyo dionji'i hak doi' Allah.”

Markus 12:12

Boko pomimpitn agama udah mongoroti masud doi' poumpamoan Yesus nantai. Poumpamoan nantai monyalahan sia'. Jadi sia' honda' monangkap Sio. Apo watu nantai sia' kinyo ulih obai sia' gola' agatn urakng banya'. Jadi, sia' botula' moninggalan Sio.

Markus 11:32

Apo kito pan culih bopandir, ‘Bayo monsio inyo moonji'i kuaso nantai ko Io.’ ” (Boko pomimpitn nantai gola' agatn urakng banya', obai urakng banya' nantai pocayo Yohanes nantai nabi Allah.)

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Matius 21:25

Ni'in Aku botakutn: Sopo inyo moonji'i kuaso ko Yohanes pakai' mombaptis? Allah kata'an monsio ai?” Jadi, sia' bohoupm goyap jawabannyo di antaro sia'. Kato sia', “Aman kito bopandir, ‘Allah inyo moonji'i kuaso nantai ko Yohanes’, Yesus paca'an monogur kito obai kito co pocayo agatn Yohanes.

Matius 21:27

Jadi sia' bopandir ko Yesus, “Koi co tohu.” Yesus bopandir, “Aman ubo nian, Aku pan co momadahannyo ko kaitn sopo inyo moonji'i kuaso ko Aku pakai' molabuhan somuonyo ni'in.”