Matius 21:23 - Porjanjian Boharu Torjomahan Baso Dilakng Soari-ari

²³ Lopas nantai, Yesus mansu' ko tongahlamanan Rumah Allah lalu mongajar di santai. Watu nantai, boko imam kopala' ongko boko pomimpitn banso Yahudi datakng ko Sio. Kato sia', “La'apo hak Duatn molabuhan nantai somuo? Sopo inyo moonji'i kuaso nantai ko Duatn?”

Matius 21:23 ပူးပေါင်းရင်းမြစ်များ

Matius 20:4

Lalu katonyo ko sia', ‘Kaitn botula' jam bokorojo di kobutn anggurku. Aku paca'an mombayar kaitn agatn upah inyo cucu'.’ Jadi, sia' pan botula' bokorojo di kobutnnyo.

Matius 21:24

Kato Yesus ko sia', “Aku pan paca'an botakutn ko kaitn. Aman kaitn monimbasi-Ku, lalu Aku paca'an monimbasi kaitn mongona'i sopo inyo moonji'i kuaso ko Aku pakai' molabuhan somuo ni'in.

Matius 24:1

Lopas nantai, Yesus koluar doi' tongahlamanan Rumah Allah. Boko murid-Nyo datakng ko Sio, monunju'an kopoboi'an boko bangunan Rumah Allah nantai.

Matius 26:55

Watu nantai, Yesus bopandir ko urakng banya' nantai, “Kata'an Aku ni'in ponjahat bai, kaitn sampai datakng agatn mombaba' podakng ongko pompangkukng pakai' monangkap Aku? Padohal, sotiap ari Aku dudu' mongajar di tongah lamanan Rumah Allah. Apo watu nantai kaitn co monangkap Aku.

Lukas 19:47

Lopas nantai, Yesus mongajar di tongahlamanan Rumah Allah sotiap ari. Tongahan nantai, boko imam kopala', boko guru Poraturan Agama Yahudi, ongko boko pomimpitn urakng Yahudi bogoyap caro pakai' mombunuh Yesus.

Lukas 20:1

Timpu ari bukainyo, di tongahlamanan Rumah Allah, Yesus mongajar huatan momboritoan Kabar Boi' mongonaꞌi Koraja'an Allah. Watu Sio mongajar, datakam boko imam kopala', boko guru Agama Yahudi huatan boko pomimpitn bukai doi' banso Yahudi.

Kisah Boko Rasul 4:7

Somuo pomimpitn nantai monyiuh oca' Petrus agatn Yohanes dibaba' ongko bodiritn di hadapan sia'. Sia' monakutan, “La'apo inyo kaitn duo labuhan? Kaitn duo pakai kuaso sopo sampai urakng lumpuh nantai nyamanam?”

Kisah Boko Rasul 7:27

Apo urakng inyo momantu kawalnyo nantai, monula'an Musa. Katonyo, ‘Duatn co bohak moatur ongko moadili koi!