Matius 21:16 - Porjanjian Boharu Torjomahan Baso Dilakng Soari-ari

¹⁶ Boko imam kopala' ongko boko guru nantai bopandir ko Yesus, “Duatn mondinga' la'apo inyo dipandiran boko bobia' ni'in?” Kato Yesus ko sia', “Au, Aku mondinga' mo. Apo pasti kaitn kalo mombaco pomandiran ni'in di Buku Suci: ‘Duatn udah bulah oca' boko bobia' muda' ongko boko bobia' kocit momuji Duatn.’ ”

Matius 21:16 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 12:3

Timbas Yesus ko sia', “Pasti kaitn kalo mombaco Buku Suci mongona'i kisah Rajo Daud huatan boko urakng inyo tuyut io. Timpu sia' mooso kolaparan,

Matius 19:4

Timbas Yesus, “Pasti kaitn udah mombaco di Buku Suci. Doi' mulonyo, Allah bulah sopasakng monsio, ia'an lolaki ongko botina'.

Matius 22:31

Hal mongona'i boko urakng bobali' hidup agi' doi' komatian ado di dalapm Buku Suci. Apo, pasti kaitn bolupm mongoroti nantai. Kato Allah,

Markus 13:17

Kotakng salu' boko botina' inyo tongahan buntikan ongko inyo ija' monyusu'i watu nantai.

Markus 2:25

Timbas Yesus ko sia', “Pasti kaitn kalo mombaco Buku Suci mongona'i porbuatan Rajo Daud watu Abyatar monjadi Imam Agukng. Daud ongko boko urakng inyo tuyutnyo kolaparan. Jadi, Daud mansu' ko dalapm Rumah Allah, monguti' roti inyo udah diposombahan ko Allah. Monurut Hukupm Torat bayo boko imam ulih bopua' roti nantai. Apo watu nantai, Daud momua'inyo. Io moonju' ko boko urakng inyo tuyutnyo pakai' bopua' jam.”

Lukas 21:23

Kosi'ai boko botina' inyo tongahan buntikan damo ija' monyusu'i boko bobia' kocit timpu nantai. Boko urakng di tanah Israel ni'in tajahan kotakng ajab sonsaro obai Allah paca'an mohukupm sia'.