Matius 21:15 - Porjanjian Boharu Torjomahan Baso Dilakng Soari-ari

¹⁵ Apo boko imam kopala' huatan boko guru agama Yahudi moniant boko mujisat nantai lalu monjadi kotakan godi. Sia' godi jam obai ado boko bobia' di tongahlamanan Rumah Allah nantai inyo momuji Yesus. Boko bobia' nantai mondongkakng-mondorah, “Hosana! Pujicam Rajo doi' koturutan Daud!”

Matius 21:15 ပူးပေါင်းရင်းမြစ်များ

Matius 20:24

Sia' sopuluh murid inyo bukai mondinga' kohonda' Yakobus huatan Yohanes nantai. Jadi, sia' monjadi godi ko sia' duo somadikan nantai.

Matius 21:23

Lopas nantai, Yesus mansu' ko tongahlamanan Rumah Allah lalu mongajar di santai. Watu nantai, boko imam kopala' ongko boko pomimpitn banso Yahudi datakng ko Sio. Kato sia', “La'apo hak Duatn molabuhan nantai somuo? Sopo inyo moonji'i kuaso nantai ko Duatn?”

Matius 21:9

Banya' urakng bojalatn di pohadapan ongko di bolikat Yesus. Sia' mondongkakng-mondorah, “Hosana! Pujicam Rajo doi' koturutan Daud! Pujicam Sio inyo datakng mowakili Tuhatn Allah! Pujicam Sio di tompat inyo kotakan tinggi!”

Matius 22:42

“Pikirancam mongona'i Rajo Inyo Dijanjian Allah inyo disobut ‘Kristus’. Doi' Koturutan sopo kironyo Sio?” Timbas sia', “Kristus ia'an koturutan doi' Rajo Daud.”

Matius 26:3

Watu nian jam, boko imam kopala' huatan boko pomimpitn urakng Yahudi bokumpul di istana Imam Agukng, damonyo Kayafas.

Matius 26:59

Boko imam kopala' ongko somuo Majelis agama Yahudi, sia' bousaha goyap buti oca' Yesus ulih dihukupm mati. Jadi, sia' bogoyap boko urakng inyo paca'an moonji'i kosasian inyo kinyo bondar molawatn Yesus.

Matius 27:1

Sunsukng-pukau, boko imam kopala' agatn boko pomimpitn banso Yahudi bulah koputusan oca' Yesus dihukupm mati.

Matius 27:20

Apo boko imam kopala' ongko boko pomimpitn banso Yahudi mohasut urakng banya' nantai pakai' mominto oca' Barabas dilopasan huatan Yesus dihukupm mati.

Matius 9:27

Lopas Yesus botula' doi' santai, ado duo urakng buto mombodapan Sio. Sia' mondongkakng-mondorah, “Yesus, Rajo doi' koturutan Daud! Kasihicam koi!”

Markus 11:18

Boko imam kopala' agatn boko guru agama Yahudi mondinga' mongona'i hal nantai. Sia' gola' agatn Sio obai somuo urakng hiratn agatn ajaran-Nyo. Jadi, sia' bogoyap caro pakai' mombunuh Sio.

Lukas 20:1

Timpu ari bukainyo, di tongahlamanan Rumah Allah, Yesus mongajar huatan momboritoan Kabar Boi' mongonaꞌi Koraja'an Allah. Watu Sio mongajar, datakam boko imam kopala', boko guru Agama Yahudi huatan boko pomimpitn bukai doi' banso Yahudi.

Lukas 22:2

Boko imam kopala' huatan boko guru agama Yahudi tongahan bogoyap caro pakai' mombunuh Yesus socaro bototapu'. Sia' gola' tajahan tojadi sosuatu hal aman ado banyaꞌ urakng watu sia' monangkap Sio.

Lukas 22:66

Pas sunsukng, ado potomuan kolompok pomimpitn agama Yahudi inyo kotakng pontikng. Boko imam kopala' huatan boko guru agama Yahudi ado di santai. Lalu Yesus dibaba' ko hadapan sia'.

Yohanes 11:57

Watu nantai, boko imam kopala' huatan boko urakng Farisi udah mongoluaran porintah ni'in: Aman ado urakng inyo mongotohu'i di mono Yesus boado, urakng nian gola' molaporannyo agatn sia', oca' sia' ulih monangkap Yesus.

Yohanes 12:19

Ongko boko pomimpitn agama Yahudi doi' kolompok Farisi, sia' bopandir siku'-monyiku', “Kito samo sokali kinyo ulih morarakng sia'. Porotianbo! Somuo urakng botula' tuyut Sio!”

Yohanes 4:1

Ado boko pomimpitn agama Yahudi doi' kolompok Farisi. Sia' mondinga' kabar obai urakng banya' monjadi murid Yesus lalu dibaptis-Nyo, lobih banya' daripado inyo dibaptis Yohanes.

Yohanes 7:42

Buku Suci mongatoan obai Kristus nantai koturutan Rajo Daud. Buku Suci pan mongatoan obai Kristus boasal doi' laman Betlehem, kampukng laman Daud.”