Matius 21:11 - Porjanjian Boharu Torjomahan Baso Dilakng Soari-ari

¹¹ Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Matius 21:11 ပူးပေါင်းရင်းမြစ်များ

Matius 2:23

Sia' botula' ko laman inyo bodamo Nazaret ongko bodiapm di su'utn. Kojadian nantai tojadi oca' pomandiran Tuhatn Allah monjadi nyata. Timpu joman komai boko nabi monulis obai Rajo Inyo Dijanjian Allah paca'an disobut ‘Urakng Nazaret.’

Matius 21:10

Watu Yesus momansu'i Yerusalem, somuo urakng di kota monjadi ramai. Boko urakng di kota nantai botakutn, “Sopo kiro urakng ni'in?”

Matius 21:26

Apo aman kito bopandir, ‘Bayo monsio inyo’ moonji'i kuaso nantai ko io kito gola' agatn urakng banya' ni'in, obai sia' pocayo Yohanes ia'an nabi inyo dionji'i kuaso doi' Allah.”

Matius 21:46

Jadi sia' bogoyap caro pakai' monangkap Sio. Apo co ulih, obai sia' gola' agatn urakng banya' inyo moanggap Yesus sobagai nabi.

Markus 6:15

Ado jam urakng inyo bopandir, “Yesus nam nabi Eliainyo datakng agi'!” Urakng bukai bopandir, “Sio nam nabi samo sama'an boko nabi doi' joman komai!”

Lukas 13:33

Apo sari ni'in, hobu' ongko lusonyo Aku gola' molajuan pojalatan-Ku ko kota Yerusalem, obai conyiant tompat bukai pakai' siku' urakng nabi Allah dibunuh cuali di Yerusalem.’ ”

Lukas 24:19

Yesus botakutn, “Poristiwa la'apo inyo tojadi?” “Poristiwa inyo tojadi mongonaꞌi Yesus, urakng doi' laman Nazaret nantai,” kato sia'. “Sio nantai nabi inyo bokuaso doi' Allah. Sio bulah mujisat inyo luar biaso. Sio mongajar boko urakng agatn kotakng pintar-corodi'. Somuo urakng sonang agatn Sio. Apotolagi' Allah!

Lukas 7:16

Boko urakng moniant kojadian nantai, topocongo ongko kotakan hormat kapikng momuji Allah. Kapikng bopandir ko siku'-monyiku', “Siku' nabi bosar Allah udah hidup am di tongah-tongah kito, Allah udah monulukng kito umant-Nyo.”

Lukas 7:39

Urakng Farisi inyo mohundakng Yesus moniant porbuatan botina' nantai. Ongko, bopandir dalapm hatinyo, “Aman Sio bondar-bondar nabi, soharusnyo Sio tohu mongonaꞌi kohidupan botina' ni'in. Botina' inyo hidup dalapm dosa!”

Yohanes 1:21

“Aman ubo nian,” sia' botakutn ko io, “Duatn sopo? Kata'an duatn Nabi Elia doi' joman komai inyo datakng agi'?” Timbas Yohanes, “Bukai! Kata'an duatn Nabi nantaiam nabi inyo koi tantian?” Timbas io, “Bukai!”

Yohanes 1:25

Sia' botakutn ko io, “Duatn momadahan duatn bukainyo Kristus, bukainyo Nabi Elia, bukainyo Nabi inyo koi tantian. Amannyo ubo nian, mapo duatn mombaptis boko urakng?”.

Yohanes 4:19

Kato botina' nantai ko Sio, “Bopai, watu ni'in aku tohu obai Duatn ninam nabi.

Yohanes 6:14

Pas boko urakng nantai moniant mujisat inyo udah dipulah Yesus, sia' bopandir, “Pasti Sio ninam Nabi inyo koi tantian paca'an datakng ko dunia!”

Yohanes 7:40

Boko urakng mondinga' pomandiran Yesus nantai. Ado boboropo inyo bopandir, “Pasti Sio ninam Nabi inyo koi tantian!”

Yohanes 9:17

Lalu, sia' botakutn agi' ko urakng inyo komainyo buto nantai, “Kolai ninam inyo Sio pulah monjadi ulih moniant. Jadi, la'apo pondapat kolai mongona'i Sio?” Kato urakng nantai, “Sio nianam nabi!”

Kisah Boko Rasul 7:37

Musa ni'in jam inyo udah bopandir ko banso Israel, ‘Tuhatn Allah kito paca'an moutus siku' urakng doi' banso kito. Io paca'an monjadi Nabi samo ubo aku inyo monyampaian pomandiran Allah ko kaitn.’