Matius 20:28 - Porjanjian Boharu Torjomahan Baso Dilakng Soari-ari

²⁸ Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Matius 20:28 ပူးပေါင်းရင်းမြစ်များ

Matius 20:27

Urakng inyo honda' monjadi pomimpitn di antaro kaitn, io gola' monjadi samo sama'an hulutn kaitn.

Matius 26:28

Obai, ninam darah-Ku inyo paca'an ditumpahan pakai' urakng banya' watu Aku mati. Nantai paca'an tojadi oca' boko urakng ulih diamputi doi' boko dosa sia'. Nianam Pojanjian Allah inyo disahan agatn darah-Ku.

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Markus 10:45

Kaitn gola' moniru toladatn Ana' Monsio inyo datakng ko dunia ni'in bukainyo pakai' dilayati boko urakng bukai, apo pakai' molayati boko urakng bukai. Io paca'an monyorahan dirinyo sampai mati pakai' mombayar hukupan dosa boko urakng.”

Markus 14:24

Kato-Nyo ko sia', “Ninam darah-Ku inyo paca'an ditumpahan pakai' banya' urakng watu Aku mati. Darah-Ku monsahan Pojanjian Boharu inyo Allah pulah agatn monsio.

Lukas 22:27

Cubo pikiran sopo inyo lobih pontikng; urakng inyo dudu' makatn damo inyo molayatinyo. Pasti urakng inyo dudu' inyo lobih pontikng. Apo somanah Aku bosamo agatn kaitn, Aku pan molayati kaitn.

Roma 4:25

Allah monyorahan Yesus oca' Sio mati di kayu salib pakai' monanggukng hukupan dosa kito. Allah mombulah Yesus bobali' hidup oca' kito ulih monjadi bondar di hadapan-Nyo.

2 Korintus 8:9

Kaitn pan mongotohu'i obai Tuhatn kito, Yesus Kristus, monunju'an koboi'an-Nyo ko kaitn. Ia'an nantai, Sio moninggalan kodampuan-Nyo di sorugo lalu monjadi jaro. Sio monjadi jaro oca' kaitn ulih monjadi dampu agatn banya' borokat doi' Allah.

Galatia 3:13

Sobondarnyo, kito somuo gola' dihukupm obai kito kinyo hala ulih monaati somuo porintah huatan poraturan Allah inyo ditulis Musa dalapm buku Hukupm Torat. Apo Kristus monyolamant'an kito doi' hukupan nantai. Sio inyo monanggukng hukupan nantai pakai' kito. Watu Sio mati di kayu salib. Obai ado totulis dalapm Buku Suci, “Urakng inyo dipaku di kayu salib ia'an urakng inyo dihukupm Allah.”

Efesus 1:7

Watu Ana'-Nyo mati di kayu salib, Sio mombayar agatn darah-Nyo pakai' mombebasan kito doi' hukupan dosa. Jadi, molalu'i Ana'-Nyo, Allah moamputi dosa kito. Allah molabuhan somuonyo nantai obai kasih karunia-Nyo inyo kotakng bosar.

Efesus 5:2

Kaitn gola' mongasihi urakng bukai samo sama'an Kristus udah mongasihi kaitn ia'an Sio monyorahan diri-Nyo monjadi kurbatn posombahan pakai' monanggukng hukupan dosa kito. Sio monjadi posombahan harupm inyo monyonangan Allah.

1 Timotius 2:6

Yesus monyorahan diri sampai mati pakai' monanggukng hukupan dosa somuo urakng. Hal ni'in dibutian pas watu inyo ditontuan Allah.

Titus 2:14

Yesus monyorahan diri sampai mati. Agatn caro nantai, Sio mombebasan kito doi' boko kojahatan. Sio jam bulah kito borosih doi' boko dosa kito oca' kito monjadi boko urakng umputn Sio siku', ia'an boko urakng inyo bondar-bondar totap hala bulah koboi'an.

Ibrani 2:10

Allah mombulah somuo hal, huatan somuo hal di pulah pakai' Sio. Sio honda' mombulah banya' urakng monjadi boko poana'an-Nyo ongko moonji'i sia' kohidupan inyo mulia. Jadi, Allah pantas mombulah Yesus monjadi Ponyolamant inyo sompurna molalu'i pondorita'an. Agatn ubo nantai, Yesus ulih mombuka' jalatn ongko momimpitn sia' sampai sia' disolamant'an.

Ibrani 5:8

Biar pan Yesus nantai Ana' Allah, Sio bolajar monaati Allah watu Sio mondorita'.

Ibrani 9:28

Sama'an nian jam, Kristus momposombahan diri-Nyo sokali mo pakai' monanggukng hukupan dosa urakng banya'. Sio paca'an datakng agi' inyo koduo kalinyo, bukainyo pakai' monanggukng dosa agi', apo pakai' monyolamant'an boko urakng inyo monantian kodatakan Sio.

1 Petrus 2:24

Kristus siku' pan udah monanggukng hukupan dosa kito watu Sio mati di kayu salib. Sio molabuhan nantai oca' kito jangan bulah dosa agi', oca' kito dapat hidup agatn caro inyo bondar di hadapan Allah. Obai boko luko Kristus, kaitn monjadi nyamanam.

1 Petrus 3:18

Obai, Kristus udah mati sokali pakai' somuo dosa kito. Sio kinyo bodosa, apo Sio mati pakai' boko urakng inyo bodosa oca' Sio mombimbikng kito ko Allah. Sio inyo udah dibunuh dalapm koadaan-Nyo sobagai monsio, apo Roh Allah mombulah Sio hidup agi'.

1 Yohanes 2:2

Yesus mati oca' boko dosa kito diamputi. Bukainyo bayo pakai' dosa kito ja'am, apo pakai' dosa somuo urakng di dunia ni'in.

Wahyu 1:5

Ongko doi' Yesus Kristus, inyo monyatoan kobondaran Allah agatn sotia. Hoyu' Sio nam urakng inyo hidup agi' doi' komatian. Sionam Rajo inyo bokuaso doi' somuo rajo di dunia. Topuji am Yesus inyo mongasihi kito. Sio mombebasan kito doi' dosa kito, obai Sio mombayar agatn darah-Nyo siku' timpu Sio mati di kayu salib.