Matius 20:27 - Porjanjian Boharu Torjomahan Baso Dilakng Soari-ari

²⁷ Urakng inyo honda' monjadi pomimpitn di antaro kaitn, io gola' monjadi samo sama'an hulutn kaitn.

Matius 20:27 ပူးပေါင်းရင်းမြစ်များ

Matius 18:4

Apo urakng inyo monjadi sama'an bobia' kocit ni'in morendahan dirinyo, ongko io nantai urakng inyo palikng tohormat dalapm Koraja'an Sorugo.

Matius 20:26

Apo, kaitn culih ubo nian! Sobali'nyo, urakng inyo honda' monjadi kotakng pontikng di antaro kaitn, io gola' monjadi samo sama'an polayatn kaitn inyo bukai.

Matius 20:28

Kaitn gola' tuyut toladatn Ana' Monsio. Sio datakng ko dunia ni'in bukainyo pakai' dilayati boko urakng, apo pakai' molayati boko urakng bukai. Sio paca'an monyorahan diri sampai mati. Agatn caro nantai, Sio monobus dosa urakng banya'.”

Lukas 22:26

Apo, kaitn co ulih ubo nian! Sobali'nyo, urakng inyo palikng pontikng di antaro kaitn gola' bosipat rondah hati, bolaku samaꞌan urakng inyo kotakng kinyo pontikng. Siku' urakng pomimpitn gola' bolaku samaꞌan siku' urakng hulutn.

Roma 1:14

Aku mooso wajib molayati somuo urakng, ia'an urakng Yunani damo urakng doi' boko banso inyo bukainyo Yunani, urakng inyo bopondidikan damo urakng inyo co bopondidikan.

2 Korintus 11:5

Kaitn moanggap sia' nantai boko rasul inyo luar biaso. Apo, monurutku, sia' co lobih hebat doi' aku.

2 Korintus 12:15

Jadi, aku sonang mongurbatan umputnku. Malahan, aku siap monyorahan diriku siku' pakai' monulukng kaitn. Jadi, aman aku mongkitn mongasihi kaitn, pasti kinyo boi' aman kaitn mongkitn kurakng mongasihi ku!

2 Korintus 4:5

Obai bukainyo diri koi siku' inyo koi boritoan. Apo, koi momboritoan mongona'i Yesus Kristus sobagai Tuhatn. Sio inyo moutus koi pakai' monjadi polayatn kaitn.