Matius 20:26 - Porjanjian Boharu Torjomahan Baso Dilakng Soari-ari

²⁶ Apo, kaitn culih ubo nian! Sobali'nyo, urakng inyo honda' monjadi kotakng pontikng di antaro kaitn, io gola' monjadi samo sama'an polayatn kaitn inyo bukai.

Matius 20:26 ပူးပေါင်းရင်းမြစ်များ

Matius 20:27

Urakng inyo honda' monjadi pomimpitn di antaro kaitn, io gola' monjadi samo sama'an hulutn kaitn.

Matius 25:44

Lalu boko urakng nantai paca'an botakutn ko Sio, ‘Tuhatn, sombilo kironyo koi kalo moniant Duatn kolaparan, damo korahakan, damo samo sama'an urakng ponomuai, damo co nyiant pakai'an, damo sakit, damo dalapm ponjara, huatan koi co monulukng Duatn?’

Matius 27:55

Di santai ado jam boboropo botina' inyo moniant doi' jouh. Sia' nanam botina' inyo tuyut Yesus doi' doerah Galilea pakai' molayati Sio.

Markus 10:43

Apo, kaitn culih samo sama'an nian! Malah, urakng inyo honda' monjadi kotakng pontikng di antaro kaitn, io gola' monjadi hulutn pakai' kaitn inyo bukainyo.

Markus 10:45

Kaitn gola' moniru toladatn Ana' Monsio inyo datakng ko dunia ni'in bukainyo pakai' dilayati boko urakng bukai, apo pakai' molayati boko urakng bukai. Io paca'an monyorahan dirinyo sampai mati pakai' mombayar hukupan dosa boko urakng.”

Markus 9:35

Yesus dudu' lalu moningkau koduo bolas murid-Nyo nantai, ongko mongajar sia'. Kato-Nyo, “Urakng inyo honda' monjadi kotakng pontikng di antaro kaitn, io gola' monjadi urakng inyo kotakan kinyo pontikng, urakng nantai gola' monjadi sama'an polayatn pakai' kaitn somuo huatan urakng bukai.”

Lukas 18:14

Ongko Yesus bopandir, “Dinga'anbo! Timpu pulakng ko rumah, ponagih pajak nantai inyo ditorima' Allah, bukainyo urakng Farisi nantai. Obai Allah tajahan ngombabahan somuo urakng inyo moninggian diri. Apo, Allah tajahan moninggian somuo urakng inyo ngombabahan diri.”

Lukas 22:26

Apo, kaitn co ulih ubo nian! Sobali'nyo, urakng inyo palikng pontikng di antaro kaitn gola' bosipat rondah hati, bolaku samaꞌan urakng inyo kotakng kinyo pontikng. Siku' urakng pomimpitn gola' bolaku samaꞌan siku' urakng hulutn.

Yohanes 18:36

Timbas Yesus, “Koraja'an-Ku kinyo boasal doi' dunia ni'in. Soandainyo Koraja'an-Ku doi' dunia ni'in, jadi boko urakng inyo molayati Aku udah bojuakng oca' Aku co disorahan ko boko pomimpitn Yahudi. Apo memang Koraja'an-Ku bukainyo doi' dunia ni'in!”

Kisah Boko Rasul 13:5

Yohanes (inyo jam disobut Markus) tuyut jam monulukng sia' dalapm polayatan. Watu sia' sampai di kota Salamis, sia' botula' ko boko rumah sombayakng agama Yahudi. Di sotiap rumah sombayakng nantai, sia' monyampaian Kabar Boi' doi' Allah mongona'i Yesus.

2 Korintus 1:24

Aku co bomasud obai koi honda' momoso lapo inyo gola' kaitn pocayo. Obai, koi tohu kaitn pocayo agatn kuat ko Kristus. Apo, inyo ku masud ia'an koi honda' bokorojo samo oca' bulah kaitn bondar-bondar sonang-nyaman.

Filemon 1:13

Sobondarnyo, aku honda' oca' io totap bosamo agatn aku. Io ulih monggonti'i kolai pakai' monulukng ku somanah aku ija' di dalapm ponjara obai aku momboritoan Kabar Boi'.

Ibrani 1:14

Apo boko molekat ia'an boko roh inyo molayati Allah. Sia' diutus pakai' monulukng boko urakng inyo tajahan monorima' kosolamant'an.

1 Petrus 4:11

Aman ado urakng inyo dionji'i komampuan pakai' bopandir, io gola' bopandir monyampaian Pomandiran Allah. Aman ado urakng inyo dionji'i komampuan pakai' molayati urakng bukai, io gola' molayati agatn kokuatan inyo Allah onju' ko io. Pakaicam somuo komampuan kaitn oca' urakng bukai momuliaan Allah obai Yesus Kristus inyo bulah somuo nantai dapat tojadi. Sionam inyo mulia ongko bokuaso somanah-manahnyo. Amin!

1 Petrus 5:3

Jangan buhau botindak ubo rajo, tohadap sia' inyo dipocayo'i Allah pakai' kaitn. Apo, kaitn gola' monjadi toladatn sia'.

Wahyu 17:6

Aku moniant botina' nantai komabu'an obai minum darah boko urakng kudus, ia'an boko urakng inyo dibunuh obai sia' momboritoan mongona'i Yesus. Pas aku moniant botina' nantai, aku kotakan hiratn.