Matius 20:22 - Porjanjian Boharu Torjomahan Baso Dilakng Soari-ari

²² Timbas Yesus ko sia'. Kato-Nyo, “Kaitn co tohu la'apo inyo kaitn minto. Sobontar agi', Aku paca'an ajab sonsaro. Kata'an kaitn sanggup ajab sonsaro samo sama'an Aku ai?” Kato sia' ko Sio, “Au, koi duo sanggupmo.”

Matius 20:22 ပူးပေါင်းရင်းမြစ်များ

Matius 26:35

Kato Petrus ko Sio, “Biar pan aku gola' mati bosamo agatn Duatn, aku co paca'an bopandir co mongonal Duatn.” Somuo murid inyo bukai bopandir ubo nantai jam.

Matius 26:39

Lopas nian, Yesus botula' lobih jouh sodikit. Sio tundu' sampai ko tanah lalu bodoa. Kato-Nyo, “Oi Bopai-Ku, aman ulih, bebasanbo Aku doi' pondorita'an inyo gola' Kualapi ni'in. Apo jangan monurut kohonda'-Ku, apo monurut kohonda' Bopai ja'am inyo jadi.”

Matius 26:42

Lopas nian, Yesus botula' bodoa pakai' koduo kalinyo. Kato-Nyo, “Oi, Bopai-Ku. Aman Aku gola' moalapi pondorita'an ni'in, culih disangkal, lalu tojadicam sosuai agatn kohonda' Duatn!”

Matius 26:56

Apo, somuonyo ni'in tojadi oca' pomandiran mongona'i Aku inyo ditulis boko nabi digonapi.” Lalu somuo murid Yesus morarian diri moninggalan Sio.

Markus 14:36

Kato-Nyo, “Oi Bopai-Ku, lopasan bo Aku doi' ajab sonsaro inyo paca'an Ku alapi ni'in. Apo jangan monuruti kohonda'-Ku, apo ongkah monuruti kohonda' Duatn ja'am bopai inyo tojadi.”

Lukas 12:50

Aku gola' ija' moalapi ajab sonsaro inyo kotakan borat. Watu ni'in Aku kotakng salu'. Aku paca'an totap salu' sampai ajab sonsaro nantai jadi.

Lukas 22:42

Kato-Nyo, “Bopai, aman ulih, bebasan Aku doi' ajab sonsaro inyo gola' Kualapi ni'in. Apo jangan monurut kohonda'-Ku, kohonda' Duatn ja'am Bopai.”

Yohanes 18:11

Apo Yesus bopandir ko io, “Sarukan podakng nan ko sarukngnyo. Apo bai kolai pikir Aku co paca'an minum doi' cangkir pondorita'an inyo dionju' Bopai ko Aku?”

Roma 8:26

Roh Allah pan monulukng kito watu hati kito lomah. Aman kito co tohu ubo apo soharusnyo kito bodoa, Roh Allah siku' monyampaian isi hati kito inyo culih dijolasan agatn kato-kato.

Yakobus 4:3

Huatan biar kaitn udah momintonyo ko Allah, kaitn totap co mondapatnyo. Obai tujuan kaitn momintonyo salah. La'apo inyo kaitn minto, nantai bayo pakai' momuasan kohonda' diri kaitn siku'.