Matius 20:21 - Porjanjian Boharu Torjomahan Baso Dilakng Soari-ari

²¹ Kato Yesus, “Kohonda' indai la'apo?” Timbas Indai sia', “Aku honda' oca' duatn moonji'i kodudu'an tinggi ko poana'anku duo ni'in dalapm koraja'an Duatn, kohonda'ku siku' dudu' disopia' kanan Duatn inyo siku' disopia' kiba' Duatn.”

Matius 20:21 ပူးပေါင်းရင်းမြစ်များ

Matius 18:1

Watu nantai, boko murid Yesus datakng ko Sio. Kato sia', “Sopo inyo palikng tohormat dalapm Koraja'an Sorugo?”

Matius 19:28

Kato Yesus ko sia', “Dinga'anbo ni'in: Timpu Allah bulah somuo hal monjadi boharu, Ana' Monsio paca'an dudu' di pucu' krosi-Nyo inyo tohormat pakai' momorintah di dunia boharu ni'in. Kaitn boko murid-Ku pan paca'an dudu' di pucu' duo bolas krosi ponguaso. Kaitn paca'an mohakipi koduo bolas suku banso Israel.

Matius 20:22

Timbas Yesus ko sia'. Kato-Nyo, “Kaitn co tohu la'apo inyo kaitn minto. Sobontar agi', Aku paca'an ajab sonsaro. Kata'an kaitn sanggup ajab sonsaro samo sama'an Aku ai?” Kato sia' ko Sio, “Au, koi duo sanggupmo.”

Matius 20:32

Yesus botongga' lalu moningkau sia'. Kato-Nyo, “Kaitn honda' la'apo tangga'i Aku?”

Markus 10:51

Yesus botakutn ko io, “La'apo inyo kulo kohonda'i Aku labuhan pakai' kulo?” Timbas io, “Guru, aku honda' moniant!”

Markus 16:19

Lopas Tuhatn Yesus momandiran nantai ko sia', Sio noi' ko sorugo. Di su'utn Sio dudu' momorintah di tompat inyo tohormat di sopia' kanan Allah.

Markus 6:22

Timpu nantai, ana' botina' Herodias bonari di pogai nantai. Tariannyo nantai monyonangan hati Herodes ongko somuo tamu'nyo. Jadi, Rajo Herodes bopandir agatn bobia' daro nantai, “Mintocam lapo ja' inyo kolai kohonda'i, aku tajahan moonju' nantai ko kolai!”

Lukas 18:41

“La'apo inyo ulih Ku tulukng?” “Tuhatn,” timbas io, “Aku honda' suba' moniant!”

Lukas 19:11

Pontongahan Yesus bopandir agatn Zakheus, boko urakng banyaꞌ ija' mondingaꞌan Yesus. Obai Sio udah dampikng ko kota Yerusalem, ongko boko urakng monyangko Koraja'an Allah tajahan lansukng kotiat'an di dunia ni'in, ia'an sia' salah sangko huatan bopikir obai Allah tajahan lansukng momorintah sobagai Rajo di dunia. Jadi Yesus mongajar sia' agatn poumpamoan ni'in.

Lukas 22:24

Lalu, boko rasul-Nyo botikakng antaro siku'-monyiku'. Sia' bokisahan sopo di antaro sia' inyo kotakng pontikng.

Yohanes 15:7

Kaitn gola' bosatu agatn Aku huatan pomandiran-Ku gola' ado di dalapm hati kaitn. Aman ubo nian, minto ja'am lapo ja' inyo kaitn kohonda'i, lalu kaitn paca'an dionji'inyo.

Kisah Boko Rasul 1:6

Jadi, watu ari bukainyo agi', timpu boko rasul bokumpul bosamo agatn Yesus, sia' botakutn ko Sio, “Tuhatn, ni'innam bai watunyo Duatn paca'an mondirian agi' Koraja'an Israel?”

Roma 12:10

Kaitn gola' hala mongasihi ubo koluarga ongko gola' hala ndoholuan morogo'i siku'-monyiku'.

Roma 8:34

Conyiant ado urakng inyo ulih mohukupm kito. Obai, Kristus Yesus udah dihukupm mati pakai' kito. Malahan lobih doi' nantai agi'! Kristus udah hidup agi' huatan dudu' di tompat inyo tohormat di sopia' kanan Allah. Sio nam inyo mombela kito!

Kolose 3:1

Kaitn dionji'i kohidupan boharu samo sama'an kaitn hidup agi' bosamo-samo agatn Kristus. Obai nantai, kaitn gola' moutamoan boko hal inyo di sorugo, di mono Kristus dudu' di tompat inyo palikng tohormat di sopia' kanan Allah.