Matius 20:16 - Porjanjian Boharu Torjomahan Baso Dilakng Soari-ari

¹⁶ Yesus monyimpulan, “Nantai inyo Ku kohonda'i agatn pomandiran ni'in: ado urakng inyo dianggap kinyo pontikng ni'in, apo nononyo Allah paca'an bulah sia' pontikng. Ado jam urakng inyo dianggap pontikng watu ni'in, apo nononyo Allah paca'an bulah sia' kinyo pontikng.”

Matius 20:16 ပူးပေါင်းရင်းမြစ်များ

Matius 19:30

Ado urakng inyo dianggap pontikng ni'in, apo nononyo Allah paca'an bulah sia' co pontikng. Ado jam urakng inyo dianggap co pontikng ni'in, apo nononyo Allah paca'an bulah sia' pontikng.”

Markus 10:31

Ado urakng inyo potamo watu ni'in, apo nononyo sia' paca'an monjadi inyo toahir, ado jam urakng inyo toahir watu ni'in, apo nononyo sia' paca'an monjadi ‘potamo.’ ”

Matius 22:14

Lalu Yesus monuntukan kisah-Nyo nantai agatn bopandir, “Banya' urakng inyo ditingkau pakai' monjadi warga Koraja'an-Nyo, apo bayo sodikit mo inyo topilih.”

Lukas 15:7

Nah, porotiancam ni'in: samo ubo nantai jam, Allah huatan boko molekat di sorugo kotakng rindakng aman siku' urakng tongga' bulah dosa lalu hidup monyonangan Allah, daripado sombilatn puluh sombilatn urakng inyo kinyo tohu tongga' bulah dosa.”

Roma 9:30

Aman ubo nian, la'apo inyo ulih kito padahan? Kito ulih monyimpulan ni'in: Boko urakng bukainyo urakng Yahudi kinyo bousaha monjadi bondar di hadapan Allah. Apo, sia' monjadi bondar obai sia' pocayoagatn Kristus.

Matius 7:13

Lawakng noraka luar. Caro hidup inyo monuju ko su'utn mudah mo. Banya' urakng inyo jumpat caro hidup nantai. Apo caro hidup inyo monuju ko Koraja'an Sorugo uyuh. Obai nantai, kaitn gola' mansu' Koraja'an Sorugo molalu'i lawakng inyo songka'! Obai lawakngnyo songka', bayo sodikit urakng inyo monomuannyo.”

Roma 8:30

Ubo nantaiam, Allah moningkau sia' inyo udah dipilih Sio doi' komai. Sia' nantai inyo Sio tingkau, Sio pan bulah sia' monjadi bondar di pohadapan-Nyo. Sia' nantai inyo monjadi bondar, Sio pan moonji'i kohidupan inyo mulia.

Lukas 14:24

Dinga'anbo ni'in: Pasti conyiant siku' pan doi' boko urakng inyo potamo kali ku hundakng nantai paca'an mooso'i la'apo pan inyo udah ku sodia'an pakai' sia'.’ ”

1 Tesalonika 2:13

Koi hala bosukur ko Allah obai timpu koi momboritoan Kabar Boi' ko kaitn, kaitn pocayo nantai bondar-bondar doi' Allah huatan bukainyo doi' pikiran monsio. Kopocaya'an kaitn nantai pan udah morubah caro hidup kaitn.

Roma 5:20

Jadi, dosa udah ado, lopas nian Hukupm Torat koluar. Akibatnyo, ado somongkitn banya' dosa. Biar pan dosa urakng botambah banya', lobih banya' agi' koboi'an inyo Allah onju' ko sia'.

Lukas 7:47

Botina' ni'in samo samaꞌan urakng dalapm poumpamoan tontai inyo ado hutakng banyaꞌ ongko dihapus. Dosanyo inyo banyaꞌ nantai udah diamputi. Jadi, io monunju'an kasih ko Aku agatn banyaꞌ caro jam. Apo urakng inyo bopikir dosanyo bayo sodikit, ongko diamputi, jadi io bayo sodikit jam monunju'an kasihnyo.”

Matius 21:31

Nah, doi' antaro duo ana'nyo nantai, inyo mono molabuhan kohonda' bopainyo?” Timbas sia', “Inyo potamo.” Kato Yesus ko sia', “Dinga'anbo! Yohanes Pombaptis datakng pakai' monunju'an ko kaitn caro hidup bondar di hadapan Allah. Apo kaitn co pocayo agatn io. Apo boko urakng inyo bodosa sama'an boko ponagih pajak huatan boko botina' lahukng, sia' pocayo ko Yohanes. Biar pan kaitn moniant nantai, apo lopas nian kaitn co monyosal. Kaitn totap co pocayo ko io. Obai nantaiam, boko ponagih pajak huatan boko botina' lahukng paca'an lobih doholu monjadi anggota koluarga Koraja'an Allah daripado kaitn.”