Matius 2:4 - Porjanjian Boharu Torjomahan Baso Dilakng Soari-ari

⁴ Jadi, Rajo Herodes mongumpulan somuo imam kopala' huatan boko guru agama Yahudi. Io minto oca' sia' momadahan ko io, monurut boko nabi di mono Rajo Inyo Dijanjian Allah nantai paca'an lahir.

Matius 2:4 ပူးပေါင်းရင်းမြစ်များ

Matius 13:52

Lalu Yesus bopandir ko sia', “Obai nantai sotiap guru agama Yahudi inyo monorima' polajaran mongona'i koraja'an sorugo nantai, samo sama'an siku' puku' rumah agatn boko bando barakngnyo. Doi' santai, io mongoluaran kodampuan inyo boharu ongko kodampuan inyo manah.”

Matius 2:3

Timpu Rajo Herodes mondinga' borito mongona'i bobia' nantai inyo paca'an monjadi rajo, ongko io monjadi kotakng golisah. Ubo nian jam somuo urakng di Yerusalem.

Matius 2:5

Sia' monimbas, “Rajo nantai paca'an lahir di laman Betlehem di propinsi Yudea. Obai timpu joman komai, ado nabi inyo monulis pomandiran Allah ni'in:

Matius 21:15

Apo boko imam kopala' huatan boko guru agama Yahudi moniant boko mujisat nantai lalu monjadi kotakan godi. Sia' godi jam obai ado boko bobia' di tongahlamanan Rumah Allah nantai inyo momuji Yesus. Boko bobia' nantai mondongkakng-mondorah, “Hosana! Pujicam Rajo doi' koturutan Daud!”

Matius 21:23

Lopas nantai, Yesus mansu' ko tongahlamanan Rumah Allah lalu mongajar di santai. Watu nantai, boko imam kopala' ongko boko pomimpitn banso Yahudi datakng ko Sio. Kato sia', “La'apo hak Duatn molabuhan nantai somuo? Sopo inyo moonji'i kuaso nantai ko Duatn?”

Matius 26:3

Watu nian jam, boko imam kopala' huatan boko pomimpitn urakng Yahudi bokumpul di istana Imam Agukng, damonyo Kayafas.

Matius 26:47

Watu Yesus ija' bopandir, Yudas datakng. Io ia'an salah siku' doi' koduo bolas rasul. Bosamo agatn io, sorombokan urakng datakam mombaba' podakng ongko pompangkukng. Sia' disiuh boko imam kopala' ongko boko pomimpitn banso Yahudi.

Matius 27:1

Sunsukng-pukau, boko imam kopala' agatn boko pomimpitn banso Yahudi bulah koputusan oca' Yesus dihukupm mati.

Matius 7:29

Obai, Sio mongajar kinyo sama'an boko guru agama sia'. Sio mongajar sobagai urakng inyo pintar-corodi'.

Markus 8:31

Lopasnyo, Yesus moajaran ko sia' obai Ana' Monsio gola' kotakng banya' moalapi ajab sonsaro. Io gola' ditula' boko pomimpitn banso, boko imam kopala', boko guru agama Yahudi. Io paca'an dibunuh. Apo watu ari kotigo, Io bobali' hidup agi'.

Lukas 20:19

Timpu nantai jam, boko guru Poraturan Agama Yahudi huatan boko imam kopala' honda' monangkap Sio obai sia' udah mongoroti masud doi' poumpamoan Yesus inyo monyalahan sia'. Apo culih sia' monangkap Sio watu nantai obai sia' gola' agatn urakng banya'.

Lukas 23:10

Boko imam kopala' huatan boko guru agama Yahudi bodiritn di santai. Ongko tomaho godi, sia' monuduhan tuduhan inyo borat mongonaꞌi Yesus.

Yohanes 18:3

Yudas datakng ko santai mombaba' kolompok urakng pakai' monangkap Yesus. Ado boboropo ponjago Rumah Allah inyo disiuh boko imam kopala' huatan boko pomimpitn agama Yahudi doi' kolompok Farisi. Ado jam pasukan tontara Romawi. Kolompok urakng nantai datakng agatn mombaba' obor huatan sonjato.

Yohanes 3:10

Timbas Yesus, “Kolai ninam guru urakng Israel. Hibo kolai co mongotohu'inyo?

Yohanes 7:32

Boboropo pomimpitn agama Yahudi doi' kolompok Farisi mondinga' urakng banya' nantai bongkucapan mongona'i Yesus. Jadi, sia' bosamo-samo agatn boko imam kopala' monyiuh boboropo ponjago Rumah Allah oca' botula' monangkap Yesus.

Yohanes 8:3

Watu nantai, datakam boko guru agama Yahudi huatan boko pomimpitn agama Yahudi doi' kolompok Farisi. Sia' mombaba' siku' botina' inyo ditangkap obai io bomporajoan agatn lolaki bukai.

Kisah Boko Rasul 23:9

Sia' monjadi kotakan camuh. Ongko, boboropo guru agama doi' kolompok Farisi bodiritn. Sia' molawatn boko urakng Saduki agatn koras. Sia' bopandir, “Monurut koi, urakng ni'in samo sokali kinyo bosalah! Mungkitn ado molekat damo roh inyo bopandir ko io.”

Kisah Boko Rasul 4:5

Kohobu'annyo, boko pomimpitn Yahudi inyo kotakan pontikng bokumpul di Yerusalem. Sia' moadoan potomuan pokaro. Ado boko pomimpitn agama, boko tokoh masrakat, bosamo boko guru Poraturan Agama Yahudi.

Kisah Boko Rasul 6:12

Jadi sia' bulah urakng banya' godi agatn Stefanus. Boko pomimpitn masrakat huatan boko guru Poraturan agama Yahudi jumpat godi jam. Sia' somuo monangkap Stefanus ongko mombaba' io ko kolompok pomimpitn agama Yahudi inyo kotakan pontikng.