Matius 2:23 - Porjanjian Boharu Torjomahan Baso Dilakng Soari-ari

²³ Sia' botula' ko laman inyo bodamo Nazaret ongko bodiapm di su'utn. Kojadian nantai tojadi oca' pomandiran Tuhatn Allah monjadi nyata. Timpu joman komai boko nabi monulis obai Rajo Inyo Dijanjian Allah paca'an disobut ‘Urakng Nazaret.’

Matius 2:23 ပူးပေါင်းရင်းမြစ်များ

Matius 1:22

Somuo hal nantai tojadi oca' pomandiran Tuhatn Allah ditopati. Timpu joman komai ado nabi inyo monulis pomandiran Allah nantai:

Matius 21:11

Boko urakng inyo tuyut Yesus monimbasi, “Ni'innam Yesus, nabi doi' laman Nazaret di propinsi Galilea.”

Matius 26:71

Lalu, io bojalatn ko pintu gerbakng tongah lamanan nantai. Siku' hulutn botina' inyo bukai moniantnyo. Kato hulutn nantai ko boko urakng inyo ado di santai, “Urakng ninam bosamo-samo agatn Yesus, urakng doi' Nazaret nantai.”

Markus 1:24

“Ih! Yesus, urakng doi' laman Nazaret, Duatn honda' bulah lapo agatn koi? Aku tohu Duatn Inyo Suci doi' Allah! Kata'an Duatn datakng pakai' mombonasoan koi ni'in bai?”

Markus 1:9

Timpu nantai, Yesus datakng doi' laman Nazaret di propinsi Galilea. Yohanes mombaptis Sio di sungai Yordan.

Lukas 1:26

Timpu Elizabet buntikan onam bulatn, Allah monyiuh molekat Gabriel ko kota Nazaret di doerah Galilea.

Lukas 18:37

Sia' bopandir, “Yesus, Urakng Nazaret, tongahan lalu di si'itn.”

Lukas 2:39

Lopas Yusuf ongko Maria jadi molabuhan boko acara diporintahan dalapm Hukupm Torat pulakam sia' ko kota Nazaret, di doerah Galilea.

Yohanes 18:5

Timbas sia', “Koi monggoyapi Yesus doi' laman Nazaret.” Kato Yesus, “Aku ninam Io nantai.” (Yudas inyo honda' monyorahan Yesus, ko boko musuhnyo, io pan bodiritn bosamo agatn sia').

Yohanes 18:7

Yesus botakutn sokali agi' ko sia', “Kaitn monggoyapi sopo?” Kato sia', “Koi monggoyapi Yesus doi' laman Nazaret.”

Yohanes 19:19

Pilatus udah monyiuh pakai' momasakng tulisan ni'in di dipucu' kayu salib nantai. Bunyinyo, “Ninam Yesus, urakng Nazaret, Rajo urakng Yahudi.”

Kisah Boko Rasul 2:22

Petrus molajuan pandirnyo, Watu ni'in boko somadikanku urakng Israel, dinga'an pomandiranku ni'in. Yesus doi' laman Nazaret diutus ulih Allah. Allah udah mombutian nantai obai Allah molabuhan somuo macapm mujisat di tongah-tongah kaitn somuo molalu'i Sio. Kaitn udah mongotohu'i nantai.

Kisah Boko Rasul 24:5

Koi udah moniant obai urakng ni'in pongacau. Di soluruh dunia, io bulah korusuhan di antaro somuo urakng Yahudi. Io jam momimpitn kolompok urakng inyo jumpat ajaran Urakng Nazaret nantai.