Matius 2:22 - Porjanjian Boharu Torjomahan Baso Dilakng Soari-ari

²² Apo, Yusuf mondinga' obai Arkhelaus, ana' lolaki Rajo Herodes, udah monggonti'i bopainyo momorintah doerah Yudea. Jadi, Yusuf gola' botula' ko su'utn. Lalu, io dinosihati dalapm mimpi, ongko io botula' agatn ana' bininyo ko doerah Galilea.

Matius 2:22 ပူးပေါင်းရင်းမြစ်များ

Matius 1:20

Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Matius 2:1

Pas, Yesus lahir di Betlehem, di doerah Yudea, timpu Rajo Herodes momorintah doerah nantai. Lopas Yesus lahir, ado boko urakng majus datakng ko kota Yerusalem. Sia' datakng doi' nogori inyo jouh di doerah Timur.

Matius 2:19

Yusuf ongko ana' bininyo ija' ado di nogori Mesir. Apo, lopas Rajo Herodes mati, molekat Tuhatn Allah moniant'an diri agi' ko Yusuf dalapm mimpi.

Matius 2:21

Ongko, Yusuf huas. Io mombaba' Bobia' nantai agatn indai-Nyo bobali' ko tanah Israel.

Matius 3:13

Lopas nantai, Yesus datakng doi' doerah Galilea ko sungai Yordan oca' Sio ulih dibaptis Yohanes.

Lukas 2:39

Lopas Yusuf ongko Maria jadi molabuhan boko acara diporintahan dalapm Hukupm Torat pulakam sia' ko kota Nazaret, di doerah Galilea.

Yohanes 7:52

Timbas sia', “Kata'an kolai ni'in doi' Galilea jam? Poriso'icam Buku Suci. Kolai paca'an tohu obai conyiant nabi inyo datakng doi' doerah Galilea!”