Matius 2:2 - Porjanjian Boharu Torjomahan Baso Dilakng Soari-ari

² Sia' botakutn ko boko urakng di su'utn. Kato sia', “Koi moniant sobuti' bintakng inyo timbul di doerah Timur. Koi mongotohu'i bintakng nantai ia'an tando obai ado bobia' hoyu' lahir inyo paca'an monjadi Rajo urakng Yahudi. Di mono kiro bobia' nantai? Obai, koi datakng honda' monyombah Sio.”

Matius 2:2 ပူးပေါင်းရင်းမြစ်များ

Wahyu 22:16

Yesus bopandir, “Aku udah moutus molekat-Ku pakai' momadahannyo ko kaitn mongona'i somuonyo ni'in. Nantai pakai' kopontikan boko jomaat. Aku ninam Koturutan doi' Rajo Daud. Aku ia'an Bintakng Timur inyo torakng nantai.”

Yohanes 18:37

Lalu Pilatus botakutn ko Yesus, “Aman ubo nian kolai memang rajo ai?” Timbas Yesus, “Kolai mo inyo monyobut obai Aku ninam rajo. Ninam alasan Aku lahir, Aku datakng ko dalapm dunia ni'in. Ia'an, oca' Aku momadahan mongona'i lapo inyo bondar. Somuo urakng inyo honda' hidup dalapm kobondaran, sia' monuruti pomandiran-Ku.”

Ibrani 1:6

Apo watu, Allah moutus Ana'-Nyo inyo kojula'an ko dunia ni'in, Allah bopandir, “Somuo molekat Allah gola' monyombah Io.”

Lukas 23:38

Ado jam tulisan dipasakng dibuai pucu' kayu salib. Tulisan nantai bobunyi, “Ninam Rajo Urakng Yahudi.”

Lukas 23:3

Lalu Pilatus botakutn ko Yesus, “Bondaram Kolai rajo urakng Yahudi?” Timbas Yesus, “Ubo pandir kolai nam.”

Yohanes 5:23

Bopai molabuhan nantai oca' somuo urakng mohormati Ana' samo sama'an sia' mohormati Sio. Sopo ja' inyo co mohormati Ana', boroti io kinyo mohormati Allah Bopai inyo moutus-Nyo.

Yohanes 1:49

Kato Natanael ko Sio, “Wah, Guru! Pasti, Duatn ninam Ana' Allah! Duatn ninam Rajo urakng Israel!”

Lukas 19:38

Kato sia', “Diborokati Rajo inyo datakng agatn kuaso Tuhatn Allah! Sonang-asau di sorugo ongko topujicam Allah di tompat inyo maho tinggi.”

Lukas 2:11

Obai ari ni'in di kota Daud udah lahir siku' urakng Ponyolamant, pakai' monulukng kaitn. Io nantai Rajo Inyo Dijanjian Allah.

Yohanes 9:38

Katonyo, “Aku pocayo, Tuhatn!” Lalu, io tundu' monyungkapan ko Yesus.

Yohanes 19:19

Pilatus udah monyiuh pakai' momasakng tulisan ni'in di dipucu' kayu salib nantai. Bunyinyo, “Ninam Yesus, urakng Nazaret, Rajo urakng Yahudi.”

Yohanes 12:13

Jadi, sia' monguti' boko doutn palem lalu botula' mohimpa'i Sio. Sia' mondongkakng-mondorah, “Hosana! Diborokati Sio inyo datakng dalapm damo Tuhatn Allah! Diborokaticam Rajo urakng Israel!”

Matius 27:11

Jadi Yesus dibaba' ko pohadapan gubernur Pilatus. Gubernur nantai botakutn ko Sio, “Bondaram Duatn ni'in rajo urakng Yahudi?” Timbas Yesus, “Ubo inyo kolai katoannam.”

Yohanes 20:28

Kato Tomas ko Sio, “Duatn nam Tuhatn huatan Allah-ku!”

Matius 21:5

“Padahan ko boko pondudu' di kota Yerusalem, ‘Porotiancam, Rajo kaitn tongahan datakng ko kaitn! Sio lomah-lombut. Sio monunggakng koledai botina', ongko siku' ana' koledai inyo muda'.’ ”

Matius 2:3

Timpu Rajo Herodes mondinga' borito mongona'i bobia' nantai inyo paca'an monjadi rajo, ongko io monjadi kotakng golisah. Ubo nian jam somuo urakng di Yerusalem.