Matius 2:19 - Porjanjian Boharu Torjomahan Baso Dilakng Soari-ari

¹⁹ Yusuf ongko ana' bininyo ija' ado di nogori Mesir. Apo, lopas Rajo Herodes mati, molekat Tuhatn Allah moniant'an diri agi' ko Yusuf dalapm mimpi.

Matius 2:19 ပူးပေါင်းရင်းမြစ်များ

Matius 1:20

Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Matius 2:20

Kato molekat nantai, “Boko urakng inyo bousaha mombunuh Bobia' nantai udah mati. Jadi huascam, baba' Bobia' nantai agatn indai-Nyo bobali' ko tanah Israel.”

Matius 2:22

Apo, Yusuf mondinga' obai Arkhelaus, ana' lolaki Rajo Herodes, udah monggonti'i bopainyo momorintah doerah Yudea. Jadi, Yusuf gola' botula' ko su'utn. Lalu, io dinosihati dalapm mimpi, ongko io botula' agatn ana' bininyo ko doerah Galilea.

Matius 27:19

Pilatus tongahan dudu' di krosi tompat io moadili pokaro. Watu nantai, bininyo mongiripm posatn ko io, “Sari ni'in, obai pokaro Urakng nantai mombulah aku bomimpi inyo bogola'i. Mimpi nantai bulahku mondorita'. Obai nianam, jangan kolai sonjumpat'an pokaro Urakng inyo kinyo bosalah nantai.”

Kisah Boko Rasul 5:19

Apo pas malapm ari, ado molekat datakng mombuka' boko lawakng ponjara nantai ongko moirikan sia' ko luar. Kato molekat nantai,