Matius 2:16 - Porjanjian Boharu Torjomahan Baso Dilakng Soari-ari

¹⁶ Timpu Herodes tohu obai boko urakng majus nantai udah mongontumbukinyo, io kotakng godi. Lalu, io monyiuh oca' somuo bobia' lolaki di kota Betlehem ongko sokitarnyo dibunuhi, ia'an boko bobia' inyo boumur di babah duo tohutn. Io mompokiroan umur Bobia' nantai doi' kotorakan boko urakng majus nantai, doi' watu sia' moniant bintakng inyo timbul nantai.

Matius 2:16 ပူးပေါင်းရင်းမြစ်များ

Wahyu 17:6

Aku moniant botina' nantai komabu'an obai minum darah boko urakng kudus, ia'an boko urakng inyo dibunuh obai sia' momboritoan mongona'i Yesus. Pas aku moniant botina' nantai, aku kotakan hiratn.

Matius 2:1

Pas, Yesus lahir di Betlehem, di doerah Yudea, timpu Rajo Herodes momorintah doerah nantai. Lopas Yesus lahir, ado boko urakng majus datakng ko kota Yerusalem. Sia' datakng doi' nogori inyo jouh di doerah Timur.

Matius 2:7

Lopas nantai Herodes moningkau boko urakng majus nantai oca' botomu agatn io socaro bototapu'. Io bodapat kotorakan inyo topat doi' sia' mongona'i sombilo bintakng nantai timbul potamo kali.

Matius 2:17

Kojadian nantai tojadi oca' pomandiran Tuhatn Allah monjadi nyata. Timpu joman komai Nabi Yeremia monulis pomandiran Allah nantai dinga' ni'innan bunyinyo:

Wahyu 12:4

Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.