Matius 2:13 - Porjanjian Boharu Torjomahan Baso Dilakng Soari-ari

¹³ Lopas jadi boko urakng majus nantai botula', molekat Tuhatn Allah datakng ko Yusuf dalapm mimpi. Molekat nantai bopandir, “Rajo Herodes paca'an monggoyapi Bobia' nantai oca' ulih mombunuh Sio. Jadi huascam, baba' Bobia' nantai agatn indai-Nyo pindah ko Mesir. Bodiapmcam di su'utn sampai Aku momandiran ko kolai pakai' bobali'.”

Matius 2:13 ပူးပေါင်းရင်းမြစ်များ

Matius 1:20

Apo timpu Yusuf tongahan momikiran hal nantai, datakam molekat Tuhatn Allah ko io dalapm mimpi. Molekat nantai bopandir, “Yusuf, koturutan Rajo Daud, jangan gola' monguti' Maria pakai' monjadi bini kolai. Obai, kuaso Roh Allah inyo bulah Maria buntikan.

Matius 10:23

Aman kaitn didorako'i di sobuah kota, raricam ko kota inyo bukai. Dinga'anbo! Kaitn co paca'an jadi mondataki somuo kota di tanah Israel nantai sobolupm Ana' Monsio datakng.

Matius 2:12

Sobolupm pulakng ko laman sia', Allah momporingant'i sia' di dalapm mimpi oca' jangan bobali' ko Herodes. Jadi sia' pulakng molalu'i jalatn bukai.

Matius 2:14

Yusuf pan huas. Pas malapm nantai jam, io mombaba' Bobia' nantai agatn indai-Nyo pindah ko Mesir.

Matius 2:16

Timpu Herodes tohu obai boko urakng majus nantai udah mongontumbukinyo, io kotakng godi. Lalu, io monyiuh oca' somuo bobia' lolaki di kota Betlehem ongko sokitarnyo dibunuhi, ia'an boko bobia' inyo boumur di babah duo tohutn. Io mompokiroan umur Bobia' nantai doi' kotorakan boko urakng majus nantai, doi' watu sia' moniant bintakng inyo timbul nantai.

Matius 2:22

Apo, Yusuf mondinga' obai Arkhelaus, ana' lolaki Rajo Herodes, udah monggonti'i bopainyo momorintah doerah Yudea. Jadi, Yusuf gola' botula' ko su'utn. Lalu, io dinosihati dalapm mimpi, ongko io botula' agatn ana' bininyo ko doerah Galilea.

Kisah Boko Rasul 10:22

Sia' bopandir, “Koi disiuh ko si'itn ulih siku' urakng powira tontara Romawi. Damonyo Kornelius. Io nantai urakng onsi'. Io udah monjadi urakng inyo monyombah Allah. Somuo urakng Yahudi mohormatinyo. Sokomai, ado molekat Allah datakng ko io. Molekat nantai monyiuh Kornelius pakai' mohundakng duatn datakng ko rumahnyo, oca' io ulih mondinga' ajaran doi' duatn.”

Kisah Boko Rasul 10:7

Ongko molekat nantai botula'. Lopas nantai, Kornelius moningkau duo hulutnnyo huatan siku' urakng projurit. Projurit nantai pan molayati Kornelius siku'. Projurit nantai hala moncubo monyonangan Allah jam.

Kisah Boko Rasul 12:11

Watu nantai jam, Petrus monjadi sadar la'apo inyo udah tojadi. Katonyo, “Ni'inan aku tohu ni'in bondar-bondar tojadi. Tuhatn Allah udah mongiripm molekat-Nyo ko aku. Sio monyolamant'an aku doi' kuaso Herodes. Herodes honda' mohukupm mati aku. Boko pomimpitn Yahudi pan mongohonda'i hal nantai paca'an tojadi. Apo Tuhatn Allah monyolamant'an aku doi' somuonyo nantai.”

Kisah Boko Rasul 12:7

Sopongirap ado molekat Tuhatn moniant'an dirinyo ko Petrus. Torakng momanjah di dalapm ruakan ponjara nantai. Molekat nantai mongguyakng-guyakng Petrus pakai' monggagaian io. Kato molekat nantai, “Cocopat huas!” Watu nantai jam, boko rantai tolopas doi' longan Petrus.

Kisah Boko Rasul 16:36

Kopala' ponjara monyampaian nantai ko Paulus. Katonyo, “Boko pojabat udah monyiuh oca' kaitn duo dibebasan. Jadi, ni'inan kaitn ulih koluar. Botula' cam agatn solamant.”

Kisah Boko Rasul 5:19

Apo pas malapm ari, ado molekat datakng mombuka' boko lawakng ponjara nantai ongko moirikan sia' ko luar. Kato molekat nantai,

Kisah Boko Rasul 7:19

Rajo nantai boulahan angki-bayatn kito agatn kojapm huatan monyisa sia'. Io kinyo honda' banso kito botambah banya'. Io momoso sia' mombuakng somuo bobia' lolaki oca'nyo mati.

Wahyu 12:14

Apo botina' nantai dionji'i duo sayap burukng holakng inyo bosar oca' io ulih trobakng ko padakng pasir, ko tompat inyo udah Allah siap'an pakai'nyo. Sio ulih dikobolo di su'utn somanah tigo tohutn sotongah, jouh doi' nago nantai.

Wahyu 12:4

Agatn iku'nyo, nago nantai monari' soportigo boko bintakng doi' langit, lalu monikapan ko bumi. Nago bodiritn di pohadapan botina' inyo honda' boana' nantai. Nago honda' lansukng monolatn Ana' nantai pas Sio dilahiran.

Wahyu 12:6

Botina' nantai rari ko padakng pasir, ko sobuah tompat inyo udah Allah siap'an pakai'nyo. Io rari ko tompat nantai oca' io ulih dikobolo di su'utn somanah soribu duo ratus onam puluh ari.