Matius 19:6 - Porjanjian Boharu Torjomahan Baso Dilakng Soari-ari

⁶ Jadi, sia' kinyo dianggap duo urakng agi', apo sia' sobukakng-sotubuh. Obai sia' udah dijadian Allah sobukakng-sotubuh, ongko sia' co ulih disaya' monsio.”

Matius 19:6 ပူးပေါင်းရင်းမြစ်များ

Markus 10:9

Obai Allah udah mombulah sia' sobukakng-sotubuh mo, obai nantai sia' culih disaya' ulih monsio.”

Ibrani 13:4

Somuo urakng gola' mohormati pokawitan. Sotiap laki-bini gola' sotia ko pasakannyo. Obai, Allah tajahan mohukupm urakng inyo bodosa bomporajoan huatan urakng inyo bomporajoan.

Roma 7:2

Contohnyo: Ado hukupm inyo mongobatan siku' urakng bini ko lakinyo. Somanahan lakinyo ija' hidup, bininyo dikobat'an ko hukupm nantai. Apo, aman lakinyo mati, jadi bininyo lopas doi' hukupm nantai.

Efesus 5:28

Nanam caronyo laki gola' mongasihi bininyo, samo sama'an io mongasihi bukakng-tubuhnyo siku'. Aman laki mongasihi bininyo, nantai samo sama'an io mongasihi dirinyo siku'.

Matius 19:5

Lalu Sio bopandir, ‘Obai Aku bulah sia' socaro bopasakan, ongko siku' urakng lolaki paca'an songkayo agatn indai-bopainyo ongko kopal-kumpul agatn bininyo. Ia'an koduonyo monjadi sama'an sobukakng-sotubuh.’

Matius 19:7

Apo boko urakng Farisi nantai monimbas. Kato sia', “Aman ubo nian, ma'apo timpu joman komai Musa moonji'i porintah ni'in: Sotiap laki monyaya' bininyo gola' moonji'i surat tando saya' ko io.”