Matius 19:29 - Porjanjian Boharu Torjomahan Baso Dilakng Soari-ari

²⁹ Ado urakng udah moninggalan rumahnyo, somadikan lolaki ongko botina', bopainyo, indainyo, poana'annyo, ongko lakaunyo. Somuo urakng inyo udah moninggalan somuo nantai obai pocayo ko Aku, sia' paca'an mondapat'an agi' doi' Allah soratus kali lipat. Sia' pan paca'an mondapat'an hidup somanah-manahnyo.

Matius 19:29 ပူးပေါင်းရင်းမြစ်များ

Matius 10:22

Somuo urakng paca'an mombonci' kaitn obai kaitn tuyut Aku. Apo sotiap urakng inyo totap pocayo ko Aku sampai koponsuahannyo, sia' paca'an disolamant'an.

Matius 13:23

Apo ado boko urakng monorima' Pomandiran Allah samo sama'an tanah inyo subur. Sia' mondinga'mo, lalu mongorotimo. Obai nantaiam, ado hasil inyo boi'. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Matius 13:8

Apo ado jam bonih inyo jatu' di tanah inyo subur. Boko tontanaman doi' bonih nantai mohasilan banya' buah. Ado inyo mohasilan tigo puluh kali lipat. Ado inyo bukai onam puluh kali lipat. Ado jam inyo mohasilan sampai soratus kali lipat.”

Matius 16:25

Aku mongatoan nantai obai urakng inyo moutamoan kohidupannyo sikuꞌ, sobondarnyo kinyo paca'an mondapat'annyo. Apo urakng inyo monyorahan kohidupannyo siku' obai Aku, pasti paca'an mondapat'annyo.

Matius 19:16

Ado siku' urakng inyo datakng ko Yesus. Katonyo, “Guru, porbuatan boi' la'apo inyo gola' aku labuhan oca' bodapat hidup somanah-manahnyo?”

Matius 25:34

Lalu, sobagai Rajo, Sio paca'an bopandir ko boko urakng di sopia' kanannyo, ‘Maracam, kaitn inyo diborokati ulih Bopai-Ku! Mansu'cam ko dalapm Koraja'an inyo disodiaan pakai' kaitn tangga'i dunia dipulah.

Matius 25:46

Lalu boko urakng nantai paca'an dihukupm agatn hukupan somanah-manahnyo di noraka. Apo boko urakng inyo hidup bondar di hadapan Allah paca'an hidup somanah-mamahnyo di sorugo.”

Matius 5:11

Diborokaticam urakng inyo dihanyam, didorako'i, dituduhan inyo jahat obai kaitn pocayo ko Aku.

Matius 6:33

Jadi, tolobih doholu goyapcam Koraja'an Allah huatan kobondaran-Nyo. Somuonyo paca'an ditambahan ko kolai. Ongko lopas nantai, somuo kopontikan kaitn paca'an dionju' ko kaitn jam.

Lukas 14:26

“Sotiap urakng inyo honda' tuyut Aku culih monjadi murid-Ku aman io lobih mongasihi urakng bukai daripado Aku, ia'an mongasihi indai, Bopai, bini, ana', somadikan apotolagi' dirinyo siku'.

Lukas 5:11

Simon huatan pokawalannyo monari' porohu sia' ko pinggir, moninggalan somuonyo, ongko monjadi murid Yesus.

Lukas 6:22

Diborokati kaitn inyo dibonci', ditula', dihanyam, ditunju' jahat obai Ana' Monsio.

Yohanes 15:19

Soandainyo kaitn ija' bosatu agatn boko urakng di dunia, pasti sia' mongasihi kaitn obai sokolompok agatn sia'. Apo, kaitn co bosatu agatn boko urakng di dunia. Aku udah momilih kaitn doi' sia'. Nantai sobabnyo sia' bonci'an kaitn.

Yohanes 4:36

Urakng inyo mohanyi, io udah monorima' upahnyo. Io mongumpulan buah pakai' hidup somanah-manahnyo. Lalu, urakng inyo monanam huatan urakng inyo mohanyi sonang bosamo-samo.

Kisah Boko Rasul 9:16

Obai io momboritoan mongona'i Aku, io paca'an moalapi banya' ajab sonsaro. Aku siku' paca'an monunju'an ko io mongona'i ajab sonsaro nantai.”

1 Korintus 2:9

Apo sama'an inyo ditulis dalapm Buku Suci, “Allah jadi monyiap'an boko hal pakai' boko urakng inyo mongasihi Sio. Apo kinyo kalo ado urakng inyo moniant boko hal nantai. Kinyo kalo mombayakan boko hal nantai.”

2 Korintus 5:16

Obai, nantai koi co agi' monilai urakng monurut ukuran kito. Koi kalo monilai Kristus monurut ukuran monsio. Apo ni'in co ija' sama'an nantaiam.

Filipi 3:8

Malahan aku moanggap la'apo pan conyiant ado rotinyo dibandikan agatn mongonal Kristus Yesus, Tuhatnku. Nantai jouh lobih pontikng daripado somuo hal inyo bukai. Nantaiam sobabnyo aku co boharap agi' ko boko hal nantai. Aku moanggap somuo hal nantai samo sama'an sampah oca' aku ulih mongonal Kristus,

1 Petrus 4:14

Sonangcam kaitn aman urakng bukai momojah kaitn obai damo Kristus. Obai, nantai rotinyo Roh inyo bokuaso ado di kaitn, ia'an Roh Allah.

3 Yohanes 1:7

Obai, sia' botula' momboritoan mongona'i Kristus ko boko urakng inyo bolupm pocayo, huatan sia' co minto lapopan doi' boko urakng nantai.