Matius 19:27 - Porjanjian Boharu Torjomahan Baso Dilakng Soari-ari

²⁷ Lalu Petrus botakutn ko Yesus, “Koi udah moninggalan somuo umputn koi oca' tuyut Duatn. Jadi la'apo inyo paca'an monjadi pongulihan koi?”

Matius 19:27 ပူးပေါင်းရင်းမြစ်များ

Filipi 3:8

Malahan aku moanggap la'apo pan conyiant ado rotinyo dibandikan agatn mongonal Kristus Yesus, Tuhatnku. Nantai jouh lobih pontikng daripado somuo hal inyo bukai. Nantaiam sobabnyo aku co boharap agi' ko boko hal nantai. Aku moanggap somuo hal nantai samo sama'an sampah oca' aku ulih mongonal Kristus,

Lukas 5:11

Simon huatan pokawalannyo monari' porohu sia' ko pinggir, moninggalan somuonyo, ongko monjadi murid Yesus.

Lukas 18:28

Ongko Petrus bopandir, “Tiat am! Koi udah moninggalan somuo umputn koi oca' monjadi boko murid Duatn.”

Lukas 15:29

Apo io bopandir, ‘Botohutn-tohutn manahnyo aku bokorojo humpas-pulas pakai' duatn Bopai. Aku hala monaati porintah duatn Bopai. Apo duatn Bopai bolupm kalo moonji'i siku' kambikng pan pakai' aku rindakng-ramai agatn pokawalanku!

Markus 10:28

Ongko Petrus bopandir ko Yesus, “Koi ni'in udah moninggalan somuo umputn koi oca' monjadi boko murid Duatn. Jadi la'apo tajahan koi dapatan?”

Markus 2:14

Tongahan Yesus bojalatn di santai, Sio moniant ado urakng Yahudi inyo monagih pajak pakai' pomorintahan Romawi. Damonyo Lewi, ana' Alfeus. Lewi tongahan dudu' di rumah tompat pongumpulan pajak. Yesus bopandir ko io, “Tuyut Aku!” Lewi lansukng bodiritn, tuyut Yesus.

Lukas 14:33

Ubo nian jam agatn boko urakng inyo honda' monjadi murid-Ku. Io gola' bopikir soboi'-boi'nyo holu ai obai aman io honda' monjadi murid-Ku, io gola' moninggalan somuo umputnnyo.”

Matius 9:9

Lopas nantai, Yesus botula' doi' santai. Sio moniant ado siku' urakng Yahudi inyo monagih pajak pakai' pomorintahan Romawi. Damonyo Matius, tongahan dudu' di rumah tompat pongumpulan pajak. Yesus bopandir ko Matius, “Tuyut Aku cam!” Matius nantai bodiritn ongko tuyut Yesus.

1 Korintus 4:7

Co nyiant urakng di antaro kaitn inyo lobih pontikng daripado urakng bukai. Somuo inyo umputn kaitn dionju' Allah. Jadi jangan kaitn buhau ubonyo pongulihan kaitn siku' mo bukainyo doi' Tuhatn.

1 Korintus 1:29

Tujuan Sio oca' urakng kinyo ulih buhau dihadapan Allah.

Matius 19:26

Yesus borotian sia' ongko bopandir, “Co mungkitn monsio ulih molabuhan nantai. Apo, Allah ulih molabuhan la'apo pan.”

Matius 19:28

Kato Yesus ko sia', “Dinga'anbo ni'in: Timpu Allah bulah somuo hal monjadi boharu, Ana' Monsio paca'an dudu' di pucu' krosi-Nyo inyo tohormat pakai' momorintah di dunia boharu ni'in. Kaitn boko murid-Ku pan paca'an dudu' di pucu' duo bolas krosi ponguaso. Kaitn paca'an mohakipi koduo bolas suku banso Israel.