Matius 19:23 - Porjanjian Boharu Torjomahan Baso Dilakng Soari-ari

²³ Yesus bopandir ko boko murid-Nyo, “Dinga'anbo ni'in: Uyuh bondar urakng dampu monjadi anggota koluarga koraja'an Sorugo.

Matius 19:23 ပူးပေါင်းရင်းမြစ်များ

Matius 13:22

Tanah inyo bisi rado momant nantai monggambaran boko urakng mondinga'an Pomandiran Allah, apo manah komanahannyo, sia' kuatir mongona'i kohidupan di dunia ni'in. Sia' ditipu obai kodampuan lobih pontikng. Somuo hal nantai mohambat sia' sampai co hidup sosuai agatn Pomandiran Allah.

Markus 10:23

Lalu Yesus mongilikng boko murid-Nyo. Kato-Nyo ko sia', “Kotakng uyuh urakng dampu monjadi anggota koluarga Koraja'an Allah.”

Lukas 18:24

Yesus moncorona'i pomimpitn inyo dampu nantai, lalu bopandir, “Uyuh bondar pakai' urakng dampu monjadi anggota koluarga Koraja'an Allah!

1 Korintus 1:26

Boko somadikan, pikirancam mongona'i koadaan kaitn timpu kaitn ditingkau pakai' monjadi urakng pocayo. Kinyo banya' doi' antaro kaitn inyo dianggap urakng pandai monurut monsio. Kinyo banya' doi' antaro kaitn inyo dianggap urakng bopongaruh. Kinyo banya' doi' antaro kaitn inyo dianggap urakng pontikng.

Yohanes 3:3

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih moniant Koraja'an Allah aman io co dilahiran agi'.”

Yakobus 2:6

Apo kaitn malahan mohayam urakng jaro. Cubo porotian porbuatan boko urakng dampu. Obai sia' nanam inyo mondorako'i kaitn agatn mondudus kaitn ko tompat pongadilan.

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Yohanes 3:5

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih monjadi anggota Koraja'an Allah aman io co dilahiran doi' ara'i agatn Roh Allah.

Matius 18:3

Kato Sio, “Dinga'anbo! Kaitn gola' morubah caro hidup ongko rondah hati sama'an bobia' kocit ni'in. Aman cado, kaitn kinyo paca'an mansu' ko dalapm Koraja'an Sorugo.

Matius 5:20

Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”

Matius 21:31

Nah, doi' antaro duo ana'nyo nantai, inyo mono molabuhan kohonda' bopainyo?” Timbas sia', “Inyo potamo.” Kato Yesus ko sia', “Dinga'anbo! Yohanes Pombaptis datakng pakai' monunju'an ko kaitn caro hidup bondar di hadapan Allah. Apo kaitn co pocayo agatn io. Apo boko urakng inyo bodosa sama'an boko ponagih pajak huatan boko botina' lahukng, sia' pocayo ko Yohanes. Biar pan kaitn moniant nantai, apo lopas nian kaitn co monyosal. Kaitn totap co pocayo ko io. Obai nantaiam, boko ponagih pajak huatan boko botina' lahukng paca'an lobih doholu monjadi anggota koluarga Koraja'an Allah daripado kaitn.”

Matius 19:22

Mondinga' pomandiran Yesus nantai, io monjadi kotakng salu' ongko moninggalan Yesus, obai io kotakng dampu.