Matius 19:22 - Porjanjian Boharu Torjomahan Baso Dilakng Soari-ari

²² Mondinga' pomandiran Yesus nantai, io monjadi kotakng salu' ongko moninggalan Yesus, obai io kotakng dampu.

Matius 19:22 ပူးပေါင်းရင်းမြစ်များ

Matius 6:24

“Co mungkitn siku' urakng hulutn bokorojo pakai' duo urakng habakng. Aman io molabuhan hal nantai, io bayo paca'an mongasihi salah siku' habakngnyo apo bonci' agatn inyo siku'nyo. Io bayo paca'an sotia ko siku' habakng, apo kinyo sotia agatn inyo siku'nyo. Ubo nian jam agatn kaitn. Co mungkitn kaitn monjadi hulutn Allah huatan co mungkitn monjadi hulutn kodampuan kaitn.”

Matius 13:22

Tanah inyo bisi rado momant nantai monggambaran boko urakng mondinga'an Pomandiran Allah, apo manah komanahannyo, sia' kuatir mongona'i kohidupan di dunia ni'in. Sia' ditipu obai kodampuan lobih pontikng. Somuo hal nantai mohambat sia' sampai co hidup sosuai agatn Pomandiran Allah.

Kolose 3:5

Obai nantai, kaitn gola' momastian caro hidup kaitn inyo manah nantai bondar-bondar udah mati. Jangan dikuaso'i boko kohonda' duniawi, sama'an: bomporajoan, boko kolaku'an inyo kinyo sonunuh, hawa napsu, kohonda' jahat, kaha' agatn duit. Kohonda' pakai' duit nantai samo ja'am agatn monyombah boko duato.

Efesus 5:5

Kotohu'i cam ni'in: urakng inyo bulah dosa bomporajoan, urakng inyo bulah boko hal inyo kinyo sonunuh, urakng inyo kaha'-kolobu' (kaha'-kolobu' nantai rotinyo monjadian boko kohonda'-Nyo samo sama'an tuhatn sia'), somuo sia' kinyo ulih monjadi anggota Koraja'an Kristus huatan Allah.

Markus 10:22

Mondinga' porintah Yesus nantai, io kotakng kocewa. Io moninggalan tompat nantai agatn hati inyo kotakng salu', obai io kotakng dampu.

Matius 16:26

Soumpamonyo ado siku' urakng inyo ulih mondapat'an somuo hal di dunia ni'in, apo io kohilakan nyaonyo sobondarnyo io co borojoki. Io culihnyo momboli nyaonyo.

Lukas 18:23

Mondingaꞌ pomandiran Yesus, io kotakng kocewa, obai io kotakng dampu. Io kinyo honda' monjual boko bando barakngnyo.

Matius 14:9

Mondinga' nantai, Herodes monyosal. Apo io udah bulah janji nantai dipohadapan somuo tamu'nyo. Obai nantai, io monyiuh oca' porminta'an bobia' botina' nantai ditopati.

Markus 6:26

Mondinga' nantai, Rajo Herodes monjadi salu'. Apo io culih monula'nyo obai io udah bosumpah di hadapan somuo tamu'nyo.

Matius 19:21

Kato Yesus ko io, “Aman kolai honda' monaati Allah agatn boi', pulakngcam, jual somuo umputn kolai. Lalu pombagi-bagian duitnyo ko boko urakng jaro. Agatn ubo nian, kolai paca'an bodapat kodampuan di sorugo. Lopas kolai molabuhan somuonyo nantai, datakngcam agi' ko si'itn, lalu tuyut Aku cam”

Matius 19:23

Yesus bopandir ko boko murid-Nyo, “Dinga'anbo ni'in: Uyuh bondar urakng dampu monjadi anggota koluarga koraja'an Sorugo.

Yohanes 16:20

Pondinga'an boboi' cam inyo Ku padahan ni'in! Sobontar agi' kaitn paca'an gugu'-gogal monangis obai la'apo inyo paca'an tojadi ko Aku. Apo boko urakng di dunia ni'in inyo co pocayo, sia' paca'an rindakng-totawo. Memang kaitn paca'an salu', apo nononyo kaitn monjadi sonang-nyamanam.