Matius 19:14 - Porjanjian Boharu Torjomahan Baso Dilakng Soari-ari

¹⁴ Apo Yesus bopandir, “Biaran ja'am boko bobia' kocit nantai datakng ko Aku! Jangan morarakng sia'. Obai boko urakng inyo monjadi samo sama'an boko bobia' kocit ni'in ia'an anggota koluarga Koraja'an Sorugo”

Matius 19:14 ပူးပေါင်းရင်းမြစ်များ

Matius 11:25

Timpu nantai Yesus bodoa, “Bopai, Duatn umputn somuo dunia ni'in. Aku bosukur obai Duatn kinyo moombakan somuo nantai doi' urakng pintar-corodi', apo Duatn monyatoan somuonyo nantai ko masrakat kocit.

Matius 18:3

Kato Sio, “Dinga'anbo! Kaitn gola' morubah caro hidup ongko rondah hati sama'an bobia' kocit ni'in. Aman cado, kaitn kinyo paca'an mansu' ko dalapm Koraja'an Sorugo.

Matius 19:15

Yesus molota'an jari-Nyo ko kopala' sia' ongko mondoa'an sia'. Lopas nantai, Sio botula' doi' santai.

Matius 5:10

Diborokaticam urakng inyo didorako'i obai hidup bondar di hadapan Allah. Sia' diborokati obai sia' nantai anggota koluarga Koraja'an Sorugo!

Matius 5:3

“Diborokaticam urakng inyo jaro di hadapan Allah, obai sia' nantai anggota koluarga Koraja'an Sorugo!

Markus 10:14

Yesus godi moniant boko murid-Nyo molabuhan nantai. Kato-Nyo ko sia', “Biaran nam boko bobia' datakng ko aku! Jangan morarakng sia'. Obai, boko urakng sama'an nianam inyo monjadi anggota koluarga Koraja'an Allah.

Markus 10:15

Dinga'anbo! Aman urakng kinyo monyambut Koraja'an Allah sama'an bobia' kocit, io co paca'an mansu' ko dalapm Koraja'an Allah.”

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.