Matius 19:13 - Porjanjian Boharu Torjomahan Baso Dilakng Soari-ari

¹³ Ado boko urakng mombaba' boko bobia' kocit datakng ko Yesus oca' Sio moncama' sia', ongko mondoa'an sia'. Apo, boko murid-Nyo monggodi'i boko urakng inyo mombaba' boko bobia' kocit nantai.

Matius 19:13 ပူးပေါင်းရင်းမြစ်များ

Kisah Boko Rasul 2:39

Obai Roh nantaiam Allah janjian ko kaitn, ko boko poana'an kaitn, huatan ko boko urakng di tompat inyo jouh, ia'an somuo urakng inyo ditingkau Tuhatn Allah kito pakai' monjadi umant-Nyo.”

1 Korintus 7:14

Obai siku' urakng lolaki inyo bolupm pocayo udah monjadi umputn Allah obai bininyo pocayo. Ubo nian jam siku' urakng bini inyo bolupm pocayo udah monjadi umputn Allah obai lakinyo pocayo. Aman cado ubo nian, poana'an sia' pan co monjadi umputn Allah. Apo sobondarnyo poana'an sia' udah monjadi umputn Allah jam.

Matius 20:31

Boko urakng banya' nantai monogur duo urakng buto nantai oca' sia' langunt. Apo sia' mondongkakng-mondorah moningkau Sio agi', “Tuhatn, Rajo doi' koturutan Daud! Kasihi koicam!”

Matius 16:22

Apo Petrus monari' Yesus ko sopia' lalu monikaki Sio. Kato Petrus, “Jangan, Tuhatn! Co mungkitn Allah mombiaran Duatn ajab sonsaro sama'an nantai!”

Matius 19:12

Obai, ado urakng inyo dilahiran kinyo ulih kawitn. Ado jam urakng inyo kinyo ulih kawitn obai dipulah sama'an nantai ulih urakng bukai. Ado jam urakng inyo obai kohonda' siku' pakai' co kawitn oca' ulih molayati husus pakai' Koraja'an Sorugo. Boko urakng inyo ulih mongoroti pomandiran nantai, kuba'annyo sia' mongoroti.”