Matius 19:11 - Porjanjian Boharu Torjomahan Baso Dilakng Soari-ari

¹¹ Apo Yesus bopandir ko sia', “Kinyo somuo urakng ulih mongoroti pomandiran nantai. Bayo boko urakng inyo udah dionji'i pongorotian doi' Allah.

Matius 19:11 ပူးပေါင်းရင်းမြစ်များ

1 Korintus 7:17

Pokoknyo, ko somuo urakng pocayo aku monosihat'i: Hidupcam dalapm koadaan inyo samo watu kaitn ditingkau Allah monjadi umat-Nyo. Niannam koadaan inyo udah ditontuan Tuhatn pakai' kaitn. Aku moajaran porintah nantai di somuo jomaat.

1 Korintus 7:35

Aku cado mongatoan somuo ni'in pakai' bulah pantakng-pomali ko kaitn. Aku bomasud pakai' monulukng kaitn oca' kaitn hidup agatn caro inyo boi', oca' kaitn ulih molayati Tuhatn agatn soboboi'nyo huatan co nyiant gangga'-gua'an la'apo pan.

1 Korintus 7:2

apo banya' urakng inyo culih monahan kohonda' pakai' bulah dosa bomporajoan. Obai nantai, lobih boi' aman sotiap lolaki bisi siku' bini huatan sotiap botina' bisi siku' urakng laki.

Matius 13:11

Timbas Yesus, “Kaitn udah dionji'i pongorotian mongona'i Koraja'an Sorugo inyo bolupm dikotohu'i urakng bukai. Apo urakng banya' ni'in bolupm dionji'i pongorotian nantai.

Matius 19:10

Lopas nantai, boko murid Yesus bopandir ko Sio, “Aman laki-bini co ulih saya', rotinyo lobih boi' aman co kawitn.”

Matius 19:12

Obai, ado urakng inyo dilahiran kinyo ulih kawitn. Ado jam urakng inyo kinyo ulih kawitn obai dipulah sama'an nantai ulih urakng bukai. Ado jam urakng inyo obai kohonda' siku' pakai' co kawitn oca' ulih molayati husus pakai' Koraja'an Sorugo. Boko urakng inyo ulih mongoroti pomandiran nantai, kuba'annyo sia' mongoroti.”