Matius 18:9 - Porjanjian Boharu Torjomahan Baso Dilakng Soari-ari

⁹ Aman mato kaitn bulah kaitn bodosa, cungkilcam lalu buakan mato nantai! Obai, lobih boi' aman kaitn mondapat'an hidup somanah-manahnyo di sorugo biar pan co nyiant bigi' mato, daripado kaitn totap ado bigi' mato nantai apo dibuakan ko dalapm api noraka nononyo.

Matius 18:9 ပူးပေါင်းရင်းမြစ်များ

Matius 16:26

Soumpamonyo ado siku' urakng inyo ulih mondapat'an somuo hal di dunia ni'in, apo io kohilakan nyaonyo sobondarnyo io co borojoki. Io culihnyo momboli nyaonyo.

Matius 18:8

Aman longan kaitn huatan kaki kaitn bulah kaitn bodosa tota' ja' lalu buakancam. Obai, lobih boi' aman kaitn mondapat'an hidup somanah-manahnyo di sorugo biar pan co nyiant longan huatan kaki nantai, daripado kaitn totap ado longan huatan kaki nantai apo dibuakan ko dalapm api noraka nononyo.

Matius 19:17

Kato Yesus, “Pikiran holu'ai masud kolai sobolupm kolai botakutn ko Aku mongona'i la'apo inyo boi'. Obai, bayo Allah inyo boi'. Aman kolai honda' bodapat hidup somanah-manahnyo, ongko kolai gola' monaati boko porintah Allah.”

Matius 5:22

Apo Aku moonju' porintah ni'in ko kaitn: Sotiap urakng inyo godi agatn somadikannyo gola' dihukupm. Sotiap urakng inyo mohayam somadikannyo gola' dibaba' ko hadapan kolompok pomimpitn agama Yahudi inyo kotakan bokuaso pakai' dihukupm. Sotiap urakng inyo moningkau urakng bukai budu paca'an dihukupm dalapm api noraka.

Matius 5:29

Aman mato kanan kaitn bulah kaitn bodosa, cungkilcam huatan buakancam mato nantai! Obai, lobih boi' kaitn kohilakan salah sobuti' anggota bukakng-tubuh kaitn daripado soluruh bukakng-tubuh kaitn dibuakan ko dalapm noraka nononyo.

Markus 9:47

Aman mato kulo mombulah kulo bodosa, cungkil ja'am. Obai, lobih boi' aman kulo mansu' ko dalapm Koraja'an Allah agatn sobigi' mato, daripado kulo agatn kododuo mato kulo nononyo dibuakan ko dalapm noraka.

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Ibrani 4:11

Obai nantai, mara kito bousaha oca' kito ulih mansu' ko dalapm tompat torahat nantai. Jangan sampai ado urakng di antaro kito inyo culih mansu' obai io tuyut toladatn sia' doi' joman komai inyo kinyo taat ko Allah.

Wahyu 21:27

Apo somuo inyo campah culih dibaba' mansu' ko dalapm kota nantai. Ubo nian jam boko urakng inyo molabuhan kojahatan huatan tumbukan. Inyo ulih mansu' bayo sia' inyo damonyo totulis dalapm buku Ana' Domba nantai, ia'an Buku Kohidupan.