Matius 18:31 - Porjanjian Boharu Torjomahan Baso Dilakng Soari-ari

³¹ Boko pokawalannyo inyo bukainyo moniant hal nantai. Sia' kotakng salu' lalu monyampaian porbuatan hulutn nantai ko rajo.

Matius 18:31 ပူးပေါင်းရင်းမြစ်များ

Roma 12:15

Aman urakng bukai sonang-nyamanam, kaitn gola' tuyut sonang jam. Aman sia' monangis, kaitn pan gola' jumpat salu' jam.

Ibrani 13:3

Ingantcam boko urakng inyo di dalapm ponjara sama'an kaitn pan ado di dalapm ponjara bosamo agatn sia'. Ingantcam boko urakng inyo disiksa sama'an kaitn disiksa sama'an nantai jam.

Markus 3:5

Yesus salu' obai sia' korikng hati. Agatn godi, Sio borotian ko sokolilikng boko urakng di santai. Lalu, kato-Nyo ko urakng inyo longannyo mati sopia'an, “Codakan longan kolai!” Pas urakng nantai monyodakan longannyo, longannyo nyamanam.

Lukas 19:41

Yesus mongkitn dampikng agatn kota Yerusalem. Watu Sio moniant kota nantai, Sio salu' bondar obai boko urakng di su'utn.

Lukas 14:21

Lopas nian, hulutn nantai bobali' pulakng, molaporan somuonyo nantai ko habakngnyo. Habakngnyo godi obai somuo urakng inyo dihundakng bodalih culih datakng. Lalu, io monyiuh hulutnnyo pakai' hagar botula' ko boko jalatn ongko boko sako jalatn di kota pakai' mohundakng boko urakng jaro, urakng bokocina'an, urakng lumpuh, urakng buto. Lalu, sia' somuo datakng ko pogai nantai ongko makatn.

Ibrani 13:17

Kaitn gola' monaati boko pomimpitn kaitn. Tundu'cam ko sia'. Obai, sia' inyo bojago-jago agatn jiwa kaitn. Sia' gola' botanggukng jawab ko Allah pakai' polayatan sia' nantai. Taat'icam sia' oca' sia' ulih molayati agatn sonang hati. Aman kaitn kinyo monaati sia', sia' paca'an salu' ongko nantai kinyo boguno pakai' kaitn.

2 Korintus 11:21

Koi co boulahan kaitn ubo nian. Dalapm hal sama'an nantai koi memang lomah. Apo aman boko urakng totontu nantai borani momuji diri sia' jadi aku pan borani jam. (Rotinyo aku bopandir samo sama'an urakng inyo budu!)

Matius 14:9

Mondinga' nantai, Herodes monyosal. Apo io udah bulah janji nantai dipohadapan somuo tamu'nyo. Obai nantai, io monyiuh oca' porminta'an bobia' botina' nantai ditopati.

Matius 18:28

Apo, hulutn nantai koluar lalu botomu agatn kawalnyo korojo inyo bohutakng ko io sobanya' upahnyo soratus ari korojo. Io monangkap huatan mongoci' kawalnyo nantai. Katonyo, ‘Bayar hutakng kolai!’

Matius 18:30

Apo bolai'nyo. Io monyorahan kawalnyo nantai oca' dimansu'an ko dalapm ponjara sampai io ulih mombayar somuo hutakngnyo.

Matius 18:32

Jadi, rajo nantai moningkau hulutn nantai. Kato rajo nantai ko io, ‘Kolai ni'in hulutn inyo jahat. Aku udah mohilakan somuo hutakng kolai obai kolai momuhun ko aku.