Matius 18:3 - Porjanjian Boharu Torjomahan Baso Dilakng Soari-ari

³ Kato Sio, “Dinga'anbo! Kaitn gola' morubah caro hidup ongko rondah hati sama'an bobia' kocit ni'in. Aman cado, kaitn kinyo paca'an mansu' ko dalapm Koraja'an Sorugo.

Matius 18:3 ပူးပေါင်းရင်းမြစ်များ

Matius 13:15

Obai hati banso ni'in udah co honda' mongoroti. Kolindakan sia' udah tingal. Mato sia' udah buto. Nantai tojadi oca' sia' co moniant agatn mato sia', sia' co mondinga' agatn kolindakan sia', sia' co mongoroti agatn hati sia'. Jadi sia' co paca'an moninggalan dosa sia' huatan Aku co paca'an monyamani sia'.’ ”

Matius 18:2

Yesus moningkau siku' urakng bobia' kocit huatan mombaba'nyo ko tongah-tongah sia'.

Matius 18:4

Apo urakng inyo monjadi sama'an bobia' kocit ni'in morendahan dirinyo, ongko io nantai urakng inyo palikng tohormat dalapm Koraja'an Sorugo.

Matius 19:14

Apo Yesus bopandir, “Biaran ja'am boko bobia' kocit nantai datakng ko Aku! Jangan morarakng sia'. Obai boko urakng inyo monjadi samo sama'an boko bobia' kocit ni'in ia'an anggota koluarga Koraja'an Sorugo”

Matius 19:23

Yesus bopandir ko boko murid-Nyo, “Dinga'anbo ni'in: Uyuh bondar urakng dampu monjadi anggota koluarga koraja'an Sorugo.

Matius 5:18

Dinga'anbo ni'in: Somanah ija' ado langit huatan bumi, co nyiant la'apo pan inyo paca'an dihilakan doi' Hukupm Torat, biar pan sobuti' hurup damo sobuti' titik, sampai somuonyo tojadi.

Matius 5:20

Dinga'anbo ni'in: Kaitn gola' hidup bujur bondar di hadapan Allah, lobih daripado boko guru agama Yahudi, huatan lobih daripado pomimpitn agama Yahudi doi' kolompok Farisi. Aman cado, kaitn kinyo paca'an mansu' ko dalapm Koraja'an Sorugo.”

Matius 6:16

“Watu kaitn bolampah, jangan mato-muho kaitn kotiat'an salu'. Boko urakng inyo pompadah boi' molabuhan sama'an nantai. Sia' songajo bulah mato-muho sia' kotiat'an salu' oca' urakng bukai tohu obai sia' tongahan bolampah. Kotakng bondar inyo Aku pandiran ni'in: Sia' udah mondapat upah sia' doi' sosamo monsio.

Matius 6:2

Contohnyo, timpu kaitn moonju' sumbakan pakai' urakng jaro, jangan buhau agatn hal nantai. Boko urakng inyo pompadah boi' inyo bulah sama'an nantai. Sia' gala' moonji'i sumbakan pakai' urakng jaro di hadapan urakng banya' di boko rumah sombayakng huatan di jalatn. Sia' molabuhannyo agatn caro nantai oca' urakng bukai mohormati sia'. Kotakng bondar inyo Aku pandiran ni'in: Sia' udah bodapat upah doi' sosamo monsio.

Matius 6:5

“Watu kaitn bodoa, jangan sama'an boko urakng inyo pompadah boi'. Sia' gala' bodoa agatn bodiritn di hadapan urakng banya' di boko rumah sombayakng huatan di boko simpakng jalatn bosar. Sia' bodoa agatn caro nantai oca' urakng bukai moniant sia'. Kotakng bondar inyo Aku pandiran ni'in: Sia' udah bodapat upah sia' doi' sosamo monsio.

Markus 4:12

Aku molabuhan nantai oca': ‘Sia' hala borotian porbuatan Allah apo kinyo bobondar mongoroti masudnyo. Sia' hala mondinga' borito doi' Allah, apo kinyo bobondar mongoroti. Obai, sia' co moninggalan boko dosa sia' ongko co hidup monyonangan hati Allah. Jadi, sia' culih diamputi.’ ”

Lukas 13:24

Lalu Yesus monimbas, “Koraja'an Allah soumpamo sobuah rumah agatn lawakng inyo songka'. Bousahacam pakai' mansu' molalu'i lawakng inyo songka' nantai, obai banyaꞌ urakng inyo moncubo mansu', apo bayo sodikit inyo ulih.

Lukas 22:32

Apo Aku udah bodoa pakai' kolai, Simon, oca' kolai totap pocayo ko Aku. Watu kolai bobali' sotia agatn Aku, kolai gola' monguat'an iman boko somadikan kolai, ia'an boko murid-Ku.”

Yohanes 1:51

Lalu Yesus bopandir, “Bondar-bondar pocayo cam! Kaitn paca'an moniant langit tobuka', lalu boko molekat Allah turutn noi' ko ‘Ana' Monsio.’ ”

Yohanes 3:3

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih moniant Koraja'an Allah aman io co dilahiran agi'.”

Yohanes 3:5

Timbas Yesus, “Porotiancam! Bobondar inyo Ku pandiran ni'in: Conyiant ado urakng inyo ulih monjadi anggota Koraja'an Allah aman io co dilahiran doi' ara'i agatn Roh Allah.

Kisah Boko Rasul 14:22

Di boko kota nantai, Paulus ongko Barnabas monguat'an hati boko urakng pocayo. Sia' duo moanjuran boko urakng nantai oca' totap pocayo agatn yakitn ko Yesus. Sia' bopandir, “Kito gola' moalapi kotakan banya' ajab sonsaro, oca' kito ulih hidup sonang dalapm Koraja'an Allah.”

Kisah Boko Rasul 28:27

Obai hati banso ni'in udah co honda' mongoroti. Kolindakan sia' udah tingal. Mato sia' udah buto. Nantai tojadi oca', sia' co moniant agatn mato sia', sia' co mondinga' agatn kolindakan sia', sia' co mongoroti agatn hati sia'. Jadi sia' co paca'an moninggalan dosa sia' ongko Aku co paca'an monyamani.

Kisah Boko Rasul 3:19

Obai nantai am, tongga'ancam kaitn bulah dosa huatan bobali' taat agatn Allah. Labuhancam nantai oca' boko dosa kaitn diamputi.

1 Korintus 14:20

Boko somadikan, jadicam sama'an boko bobia' dalapm hal kojahatan obai boko bobia' kinyo tohu porbuatan jahat. Apo jangan monjadi sama'an boko bobia' dalapm kaitn bopikir mongona'i boko komampuan husus doi' Roh Allah. Dalapm hal nantai, kaitn gola' bopikir agatn pintar-corodi' sama'an urakng tuho.

1 Petrus 2:2

Aman kaitn bobondar udah moalapi obai Tuhatn nantai boi', jadi kaitn gola' ado kohonda' bolajar lobih dalapm mongona'i ajaran inyo bondar, ia'an Pomandiran Allah. Samo sama'an bobia' inyo hoyu' lahir honda'an susu inyo murni. Agatn ubo nian, kaitn tajahan tumbuh di dalapm Kristus ongko disolamant'an.

2 Petrus 1:11

Kaitn tajahan dionji'i hak ponuh pakai' mansu' ko dalapm Koraja'an Yesus Kristus, ia'an Ponyolamant ongko Tuhatn kito. Korajaan-Nyo tajahan botahatn somanah-manahnyo.