Matius 18:14 - Porjanjian Boharu Torjomahan Baso Dilakng Soari-ari

¹⁴ Ubo nian jam Bopai kaitn di sorugo kinyo honda' salah siku' bobia' kocit sosat.

Matius 18:14 ပူးပေါင်းရင်းမြစ်များ

Matius 18:13

Dinga'anbo! Aman io bohasil monomuan domba nantai, pasti io paca'an kotakng rindakng. Io paca'an lobih rindakng obai mondapat'an siku' domba nantai daripado sombilatn puluh sombilatn iku' domba inyo kinyo sosat.

Matius 18:15

“Aman somadikan kaitn bulah dosa, botula'cam socaro sonsiku'an ko io pakai' monosihat'i io. Aman io mondinga'an kaitn, ongko kaitn udah moarahan io agi' pakai' hidup agatn caro inyo bondar.

Matius 5:16

Porbuatan boi' kaitn samo sama'an torakng. Jadi, kaitn gola' bulah koboi'an di hadapan urakng oca' sia' ulih moniant nantai. Lalu sia' paca'an momuji Allah Bopai kaitn di sorugo.”

Matius 6:32

Boko urakng inyo kinyo konal Allah hala bogoyap somuonyo nantai. Apo Allah Bopai kaitn di sorugo udah tohu somuo kopontikan kaitn nantai.

Matius 6:9

Obai nantai, kohonda'nyo kaitn bodoa sama'an ni'in: ‘Bopai koi inyo ado di sorugo, suciam damo Duatn.

Lukas 12:32

“Kaitn samaꞌan kabatn domba inguan inyo kocit. Apo, jangan gola'. Bopai kaitn inyo di sorugo paca'an sonang moonji'i kaitn somuo la'apo inyo kaitn pontikan obai kaitn hidup dalapm Korajaan-Nyo.

Yohanes 17:12

Somanahan Aku bokopal agatn sia', Aku molinduki sia' agatn kuaso dalapm damo Duatn inyo udah Duatn onju' ko aku. Aku udah molinduki sia' ongko kinyo ado siku' pan inyo bonaso doi' sia'. Kocuali siku' mo inyo memang paca'an bonaso. Nantai tojadi oca' pomandiran inyo ditulis dalapm Buku Suci monjadi nyata.

Yohanes 21:15

Lopas sia' jadi makatn, Yesus bopandir ko Simon Petrus, “Simon, ana' Yohanes, kolai mongasihi Aku lobih doi' sia' ni'in kata'an cadoai?” Timbas Petrus ko Sio, “Bondar Tuhatn! Duatn tohu obai aku mongasihi Duatn. Kato Yesus ko io, kobolocam boko domba-Ku.”

2 Timotius 2:10

Jadi, aku botahatn mohadapi somuo macapm ajab sonsaro oca' boko urakng inyo dipilih Allah dapat kosolamant'an molalu'i Kristus Yesus huatan hidup tohormat somanah-manahnyo.

Ibrani 12:13

Totap bojalatn cam di jalatn inyo rato oca' kaki kaitn inyo timpakng jangan tokosilap, apo malah monjadi nyaman-boi'.

2 Petrus 3:9

Ado boko urakng inyo bopikir Tuhatn moulur-ulur monopat'i janji-Nyo. Apo sobondarnyo Sio kinyo moulur-ulur. Sio sabar agatn kaitn. Obai, Sio kinyo honda' ado urakng inyo bonaso. Sio honda' oca' somuo urakng moninggalan dosa sia' ongko hidup monyonangan Sio.