Matius 17:4 - Porjanjian Boharu Torjomahan Baso Dilakng Soari-ari

⁴ Kato Petrus ko Yesus, “Tuhatn, kotakng boi' kito di si'itn. Aman Duatn honda', oca' koi pulahan tigo potungguan, sobuah pakai' Duatn, sobuah pakai' Nabi Musa, sobuah agi' pakai' Nabi Elia.”

Matius 17:4 ပူးပေါင်းရင်းမြစ်များ

Matius 17:3

Colanant kotigo murid-Nyo nantai moniant Nabi Musa ongko Nabi Elia tongahan bopandir agatn Yesus.

Lukas 9:33

Watu koduo nabi nantai honda' moninggalan Yesus, Petrus bopandir ko Yesus, “Guru, boi' bondar kito di si'itn. Biaram koi bulah tigo buah potungguan di si'itn, sobuah pakai' Duatn, sobuah pakai' Nabi Musa, sobuah pakai' Nabi Elia.” Apo Petrus kinyo mongoroti agatn pomandirannyo nantai.

Yohanes 17:24

Oi Bopai, mongona'i somuo murid inyo udah Duatn onju' ko aku, kohonda' Ku oca' sia' bosamo agatn Aku, di mono kodiapan-Ku nononyo. Agatn ubo nantai, sia' ulih moniant obai Duatn mombulah Ku monjadi mulia, obai Duatn mongasihi Aku sobolupm dunia ni'in dipulah.

Yohanes 7:2

Watu nantai, dampikam ari rayo urakng Yahudi, ia'an Ari Rayo Pondu' Doutn.

Filipi 1:23

Aku ditari' di antaro koduo hal nantai! Aku honda' moninggalan dunia ni'in lalu diapm bosamo agatn Kristus. Memang nantai lobih boi' bagi ku.

1 Yohanes 3:2

Boko somadikanku inyo ku kasihi, watu ni'in kito nam poana'an Allah. Kito co tohu pasti ubo apo Allah morubah kito nononyo. Apo kito tohu ni'inan: timpu Kristus datakng agi', kito paca'an monjadi samo sama'an Sio obai kito moniant Sio dalapm koadaan-Nyo inyo sobondarnyo

Wahyu 21:23

Kota nantai kinyo momontikan matoari damo bulatn pakai' monorakinyo. Obai, cohayo doi' komulia'an Allah monorakinyo. Ana' Domba nantai pan monjadi samo sama'an lampu pakai' kota nantai.