Matius 17:26 - Porjanjian Boharu Torjomahan Baso Dilakng Soari-ari

²⁶ Timbas Petrus, “Pasti doi' urakng bukai!” Jadi Yesus bopandir ko io, “Nantai boroti rayat kinyo wajib mombayar pajak nantai.

Matius 17:26 ပူးပေါင်းရင်းမြစ်များ

Matius 17:25

Timbas Petrus, “Au, Sio memang jumpat poraturan nantai mo.” Lalu, Petrus mansu' ko dalapm rumah. Sobolupm io sampat bopandir mongona'i nantai ko Yesus, Yesus botakutn ko io doholu. Kato Sio, “Simon Petrus, monurut kolai, boko rajo dunia ni'in mongumpulan pajak doi' sopo? Doi' rayatnyo siku' kata'an doi' urakng bukai?”

Matius 17:27

Apo jangannam kito monyinggukng boko ponagih pajak nantai. Jadi, botula'cam ko danau ongko mongoil. Watu kolai bulih ikatn inyo potamo, buka'cam nyao ikatn nantai. Kolai paca'an monomuan ompat pingkai' duit pira' inyo cukup pakai' duo urakng mombayar pajak nantai. Onju' cam duit nantai ko sia' pakai' mombayar pajak kito duo.”

Lukas 9:50

Yesus monimbas, “Co ulih kaitn morarakng urakng samaꞌan io, obai urakng inyo kinyo molawatn kaitn boroti momihak ko kaitn.”

Lukas 16:8

Lopas nian habakng nantai momuji bendahara inyo kinyo jujur nantai obai io cukup pandai, pakai' bodapat caro hidup lopas jadi ditongga'an.” Lalu Yesus monyimpulan. Kato-Nyo, “Boko urakng inyo jahat cukup pandai tohadap sosamonyo. Sia' lobih pandai daripado boko urakng inyo hidup dalapm torakng.

1 Tesalonika 5:22

Jangan molabuhan somuo macapm kojahatan.