Matius 17:21 - Porjanjian Boharu Torjomahan Baso Dilakng Soari-ari

²¹ Apo roh jahat inyo ubo tontai ulih ditundukng agatn bodoa huatan bopuaso.]”

Matius 17:21 ပူးပေါင်းရင်းမြစ်များ

Markus 9:29

Timbas Yesus ko sia', “Roh jahat inyo sama'an nantai culih ditundukng kocuali agatn doa.”

Matius 17:22

Timpu Yesus ongko boko murid-Nyo bokumpul di doerah Galilea, Yesus bopandir ko sia', “Ana' Monsio paca'an ditangkap lalu disorahan ko boko urakng inyo molawatn Sio.

Matius 12:45

Ongko io botula', botomu agatn tujuh roh bukainyo inyo lobih jahat doi' io. Sia' somuo datakng, mansu' ko dalapm urakng nantai, ongko bodiapm di santai. Koponsuahannyo, koadaan urakng nantai monjadi lobih rusa' doi' inyo asalnyo. Nantaiam jam inyo paca'an tojadi agatn boko urakng jahat joman ni'in.”

Kisah Boko Rasul 13:2

Timpu, sia' bokumpul pakai' bopuaso huatan bodoa. Watu nantai, Roh Allah bopandir ko sia', “Aku momilih Barnabas ongko Saulus molabuhan polayatan husus pakai' molayati boko urakng di doerah bukai. Jadi, tugasan sia' duo pakai' molabuhan polayatan nantai.”

Kisah Boko Rasul 14:23

Paulus ongko Barnabas pan momilih boko pomimpitn pakai' sotiap kolompok urakng pocayo. Boko pomimpitn nantai dipilih doi' boko urakng inyo udah pocayo agatn Yesus, Tuhatninyo bokuaso dipucu' somuonyo. Paulus ongko Barnabas bodoa kapikng bopuaso oca' Tuhatn totap monjago somuo pomimpitn nantai.

1 Korintus 7:5

Jangan hala monula' kohonda' pakai' bohubukan laki-bini. Kocuali ado houpm-kubo bosamo pakai' somontaro watu oca' ulih moutamoan doa. Apo lopas nantai sia' duo kopal-kumpul. Aman cado, Rajo Sitatn ulih moncubo'i kaitn oca' obai kaitn co ulih monahan kohonda' diri kaitn siku'.

2 Korintus 11:27

Aku bosusah payah, bokorojo koras, opat kurakng tidu', opat kolaparan ongko korahakan, opat co makatn, opat kodinginan obai pakai'anku kinyo cukup.

Efesus 6:18

Kaitn gola' hala waspada oca' sotiap watu kaitn ulih bodoa agatn dibimbikng Roh Allah. Pakaicam somuo macapm doa huatan pomuhunan ko Allah. Jangan botongga' bodoa pakai' somuo urakng inyo pocayo.