Matius 17:20 - Porjanjian Boharu Torjomahan Baso Dilakng Soari-ari

²⁰ Yesus monimbasi sia', “Kaitn kinyo ulih monundukng roh jahat nantai obai kaitn kurakng pocayo. Dinga'anbo ni'in: Aman kaitn pocayo sodikit ja', soumpamo kaitn monyiuh bukit ni'in, ‘Pindahcam ko su'utn!’ Ongko bukit ni'in paca'an pindah. Aman kaitn pocayo sama'an nantai, kinyo paca'an ado sosuatu inyo kinyo ulih kaitn pulah. [

Matius 17:20 ပူးပေါင်းရင်းမြစ်များ

Matius 13:31

Yesus, monyampaian suatu poumpamoan bukai agi' ko sia'. Kato-Nyo, “Koraja'an Sorugo soumpamo bigi' sonsabi inyo ditanam di lakaunyo.

Matius 14:29

Kato Yesus, “Kosi'itn cam!” Jadi Petrus turutn doi' porohu, bojalatn di pucu' ara'i mondataki Yesus.

Matius 17:17

Lalu, Yesus bopandir, “Urakng timpu joman ni'in jahat huatan kinyo pocayo! Ija' apo manah agi', Aku gola' bosamo agatn kaitn! Ija' apo manah agi', Aku gola' bosabar agatn kaitn!” Lalu Yesus bopandir ko Bopai bobia' nantai, “Baba' ana' kolai nantai ko si'itn.”

Matius 17:19

Lopas nian, watu boko murid Yesus sonsiku'an agatn Sio, sia' datakng lalu botakutn, “Ma'apo koi kinyo ulih monundukng roh jahat nantai?”

Matius 17:9

Watu sia' turutn doi' pucu' bukit nantai, Yesus bopandir ko sia'. Kato Sio, “Sobolupm Ana' Monsio bobali' hidup doi' komatian, jangan momadahan ko sopo pan mongona'i la'apo inyo hoyu' kaitn tiat.”

Matius 21:21

Timbas Yesus ko sia', “Dinga'anbo! Aman kaitn ulih pocayoam ongko co gangga'-gua'an, bulah mujisat sama'an la'apo inyo Aku labuhan ko kayu ara nantai. Apo bukainyo bayo nian ja'. Soumpamonyo kaitn monyiuh bukit ni'in, ‘Toangkat lalu tobuakng ko dalapm lout!’ Jadi hal nantai paca'an tojadi.

Matius 8:26

Kato Yesus ko sia', “Kaitn inyo kurakng pocayo, kaitn jangan gola'.” Lalu Yesus bodiritn ongko monyiuh bonakau huatan danau nantai botongga'. Ongko, lansukng danau nantai monjadi diapm.

Markus 11:22

Timbas Yesus ko sia', “Pocayocam ko Allah!

Markus 11:23

Dinga'anbo! Kaitn gola' pocayo obai la'apo pan inyo kaitn katoan pasti tajahan tojadi. Sotiap urakng inyo pocayo, kinyo gangga'-gua'an, soandainyo io monyiuh bukit ni'in, ‘Tocabut lopasnyo tonggolapm ko dalapm lout!’ Hal nantai tajahan tojadi.

Markus 4:31

Koraja'an Allah samo sama'an bigi' sonsabi inyo diabur. Memang bigi' nantai inyo kotakan kocit doi' somuo jonis bonih di bumi.

Markus 9:23

Apo Yesus monogur io, “Kulo bopandir, Aman Duatn ulih? Somuo ulih dilabuhan tiap urakng inyo pocayo.”

Lukas 1:37

Pomandiranku ni'in pasti tojadi obai co nyiant inyo co mungkitn bagi Allah.”

Lukas 17:6

Timbas Yesus, “Aman iman kaitn ado sobosar bigi' sonsabi inyo kotakng kocit pan, soandainyo kaitn monyiuh tontanaman ni'in tocabut doi' tanah sampai ko akarnyo, ongko totanam di lout. Tontanaman ni'in pan tundu' agatn porintah kaitn.”

Lukas 18:27

Yesus monimbas, “Allah ulih molabuhan porbuatan inyo co mungkitn dilabuhan ulih monsio.”

Yohanes 11:40

Yesus bopandir ko io, “Ingantcam lapo inyo udah Ku katoan ko kolai ni'in: Aman kolai pocayo, jadi kolai paca'an moniant komulia'an Allah.”

1 Korintus 12:9

Ko urakng bukainyo agi', Roh Allah inyo samo nantai moonji'i komampuan pakai' pocayo ko Yesus agatn kotakng kuat. Ko urakng bukainyo agi', Roh Allah inyo samo nantai moonji'i komampuan pakai' monyamani.

1 Korintus 13:2

Soandainyo aku dionji'i komampuan husus pakai' monyampaian posatn-pontal doi' Allah, soandainyo aku mongoroti somuo hajat Allah inyo bolupm dipadahan ko urakng bukai, soandainyo aku mongotohu'i somuo hal, soandainyo aku pocayo agatn kotakng kuat singgatn aku ulih momindahan bukit ko tompat bukai, apo aman aku kinyo mongasihi urakng bukai, aku kinyo boguno.

Ibrani 3:19

Jadi, udah jolas angki-bayatn kito nantai kinyo ulih mansu' obai sia' kinyo pocayo.