Matius 17:18 - Porjanjian Boharu Torjomahan Baso Dilakng Soari-ari

¹⁸ Yesus monundukng roh jahat inyo bulah bobia' nantai boponyakit oca' koluar doi' bobia' nantai. Jadi, koluaram roh jahat nantai. Lansukng nyamanam bobia' nantai.

Matius 17:18 ပူးပေါင်းရင်းမြစ်များ

Matius 9:22

Apo Yesus mongilikng huatan moniant botina' nantai. Kato-Nyo, “Somadikan-Ku, jangan gola'. Kolai nyamanam obai kolai udah pocayo ko Aku.” Watu nantai jam, botina' nantai nyamanam.

Kisah Boko Rasul 16:18

Boari-ari tumbas io molabuhan nantai timpu botomu agatn Paulus. Koponsuahannyo, Paulus kinyo tahatn agi' obai ganggu'an nantai. Jadi, Paulus mongilikng ko bolikat. Katonyo ko roh potonung nantai, “Dalapm damo Yesus Kristus, aku tundukng kolai ko luar doi' botina' ni'in!” Lansukng roh jahat nantai koluar.

Lukas 9:42

Watu bobia' nantai mohampiki Yesus, roh jahat monyorakng bobia' nantai, mohompasannyo ko tanah, bokorikng-korikng bukakng-tubuhnyo. Apo Yesus monundukng roh jahat nantai koluar, lansukng bobia' nantai nyamanam ongko disorahan agi' ko bopainyo.

Markus 1:34

Yesus monyamani banya' urakng inyo mondorita' kona' bomacapm ponyakit. Sio pan monundukng banya' roh jahat. Yesus morarakng boko roh jahat nantai bopandir, obai sia' mongotohu'i sopo Sio.

Matius 15:28

Lalu Yesus bopandir ko io, “Indai, kotakan bosar kopocaya'an kolai! Lalu, biaram tojadi sosuai agatn porminta'an kolai.” Watu nantai jam ana' botina' nantai lansukng nyamanam.

Matius 12:22

Lopas nian ado urakng inyo dirasu'i roh jahat dibaba' ko Yesus. Urakng nantai buto huatan bisu. Yesus monyamani io sampai io ulih moniant huatan bopandir agi'.

Lukas 4:41

Yesus pan monyiuh boko roh jahat koluar doi' boko urakng. Ongko boko roh jahat nantai koluar kapikng mondongkakng-mondorah, “Duatn nam Ana' Allah!” Obai boko roh jahat tohu Sio memang Rajo Inyo Dijanjian Allah. Apo Yesus monogur boko roh jahat nantai morarakng koras bopandir obai bolupm watunyo urakng mongotohu'inyo.

Matius 17:17

Lalu, Yesus bopandir, “Urakng timpu joman ni'in jahat huatan kinyo pocayo! Ija' apo manah agi', Aku gola' bosamo agatn kaitn! Ija' apo manah agi', Aku gola' bosabar agatn kaitn!” Lalu Yesus bopandir ko Bopai bobia' nantai, “Baba' ana' kolai nantai ko si'itn.”

Matius 17:19

Lopas nian, watu boko murid Yesus sonsiku'an agatn Sio, sia' datakng lalu botakutn, “Ma'apo koi kinyo ulih monundukng roh jahat nantai?”