Matius 17:12 - Porjanjian Boharu Torjomahan Baso Dilakng Soari-ari

¹² Apo dinga'anbo pandir-Ku ni'in: Nabi Elia inyo dimasud nantai udah datakng. Apo boko urakng kinyo konal agatn io. Sia' bulah kojahatan agatn io sosuai agatn kohonda' sia'. Ubo nian jam sia' paca'an bulah Ana' Monsio ajab sonsaro.”

Matius 17:12 ပူးပေါင်းရင်းမြစ်များ

Matius 11:2

Yohanes Pombaptis tongahan ado dalapm ponjara. Io mondinga' mongona'i pogota'an Yesus Kristus.

Matius 16:21

Mula'i doi' watu nantai, Yesus monjolasan ko boko murid-Nyo obai Sio gola' botula' ko Yerusalem. Boko pomimpitn banso Yahudi, boko imam kopala', huatan boko guru agama Yahudi paca'an bulah Sio ajab sonsaro. Sio paca'an dibunuh apo Allah paca'an bulah Sio bobali' hidup timpu ari kotigo.

Matius 17:11

Timbas Yesus, Memang Nabi Elia paca'an datakng doholu momposiapan somuo hal pakai' kodatakan Rajo Inyo Dijanjian Allah.

Matius 17:13

Lalu boko murid-Nyo nantai mongoroti obai Yesus bopandir mongona'i Yohanes Pombaptis, urakng inyo samo sama'an nabi Elia nantai.

Matius 17:22

Timpu Yesus ongko boko murid-Nyo bokumpul di doerah Galilea, Yesus bopandir ko sia', “Ana' Monsio paca'an ditangkap lalu disorahan ko boko urakng inyo molawatn Sio.

Matius 17:9

Watu sia' turutn doi' pucu' bukit nantai, Yesus bopandir ko sia'. Kato Sio, “Sobolupm Ana' Monsio bobali' hidup doi' komatian, jangan momadahan ko sopo pan mongona'i la'apo inyo hoyu' kaitn tiat.”

Matius 8:20

Apo Yesus bopandir ko io, “Payau ado lubakngnyo. Burukng ado sayakngnyo. Apo biar pan Aku Inyo Diutus Allah Pakai' Monjadi Monsio, Aku co nyiant kodiapan.”

Lukas 7:33

Yohanes Pombaptis datakng, kinyo bopua' roti, kinyo minum anggur, ongko sia' bopandir io korasu'an sitatn.

Yohanes 1:11

Sio datakng ko banso-Nyo siku', ia'an banso Yahudi. Apo sia' kinyo pocayo agatn Sio.

Kisah Boko Rasul 2:23

Biar pan kaitn mongotohu'i nantai, kaitn monyorahan Sio ko boko urakng inyo kinyo mongonal Allah. Kohonda' kaitn oca' Sio dihukupm mati di kayu salib. Apo somuonyo nantai tojadi sosuai agatn kohonda' Allah. Hajat Allah nantai udah ditotapan-Nyo doi' joman komaimo.

Kisah Boko Rasul 4:10

Jadi oca' kaitn somuo tohu. Somuo urakng banso kito Yahudi gola' tohu jam! Urakng ni'in bodiritn sehat di hadapan kaitn sokarakng obai io nyamanam agatn kuaso Yesus Kristus doi' Nazaret. Kaitn udah monula' Sio sampai Sio dihukupm mati di kayu salib. Apo Allah udah bulah Sio hidup agi' doi' komatian.

Kisah Boko Rasul 7:52

Angki-bayatn kaitn monyisa somuo nabi Allah. Joman komai, sia' mombunuh boko nabi inyo mongabaran mongona'i kodatakan Rajo Inyo Dijanjian Allah, ia'an Hulutn Allah inyo hala hidup bondar di hadapan Allah. Sokarakng Rajo nantai udah datakng apo kaitn monyorahan Sio ko musuh-Nyo oca' Sio dibunuh!