Matius 16:8 - Porjanjian Boharu Torjomahan Baso Dilakng Soari-ari

⁸ Apo Yesus mongotohu'i la'apo inyo sia' kisahan. Jadi Sio bopandir, “Kuba'annyo kaitn jangan botikakan mongona'i co nyiant roti! Kaitn kurakng pocayo ko Aku!

Matius 16:8 ပူးပေါင်းရင်းမြစ်များ

Matius 14:31

Yesus lansukng mouluran longan-Nyo, moncanggapm Petrus. Kato Yesus, “Kolai kurakng pocayo! Kuba'annyo kolai jangan gangga'-gua'an!”

Matius 16:7

Jadi, sia' bopikir mongona'i pomandiran Yesus nantai. Sia' bopandir ko siku'-monyiku', “Yesus momandiran nantai obai kito co mombaba' roti.”

Matius 6:30

Rumput di padakng tumbuh somontaro mo, opat ditota' ongko dicucul, tomansu' boko kombakng bakukng nantai. Apo Allah totap bulahnyo boi'. Pasti Allah paca'an monulukng kaitn lobih daripado rumput huatan kombakng di padakng. Apo kaitn kurakng pocayo!

Matius 8:26

Kato Yesus ko sia', “Kaitn inyo kurakng pocayo, kaitn jangan gola'.” Lalu Yesus bodiritn ongko monyiuh bonakau huatan danau nantai botongga'. Ongko, lansukng danau nantai monjadi diapm.

Markus 16:14

Koponsuahannyo, Yesus moniant'an diri kosobolas murid-Nyo timpu sia' tongahan makatn. Sio monogur sia' obai hati sia' koras, sia' kinyo pocayo ko boko urakng inyo udah moniant Sio bobali' hidup.

Yohanes 16:30

Watu ni'in, koi tohu obai Duatn mongotohu'i boko la'apo pan. Duatn co pontikng urakng monakutan la'apo pan ko Duatn obai Duatn udah tohu. Obai nantai, koi pocayo obai Duatn datakng doi' Allah.”

Ibrani 4:13

Conyiant la'apo pan inyo toombakan doi' mato-Nyo. Somuo hal jolas huatan tobuka' di hadapan Sio. Somuo kito gola' moaku'i somuo porbuatan kito ko Sio.

Wahyu 2:23

Aku paca'an mombunuh boko urakng inyo tuyut ajaran botina' nantai. Agatn ubo nian, somuo jomaat paca'an mongotohu'i ni'in: Akunam inyo mouji pikiran ongko hati monsio. Akunam inyo mombalas kaitn siku'-monyiku' monurut porbuatan kaitn.